.jpg)
កាលពីពេលថ្មីៗនេះ អនាគតអ្នកសារព័ត៌មានមកពីមជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ ដឹកនាំដោយទីប្រឹក្សាផ្នែកបណ្តុះបណ្តាល និងកែសម្រួលរបស់ពួកគេ គឺលោក Michael Dickison បានមកធ្វើទស្សនកិច្ចដើម្បីស្វែងយល់អំពីប្រតិបត្តិការរបស់កាសែតភ្នំពេញ ប៉ុស្តិ៍។
ដំណើរទស្សនកិច្ចនេះត្រូវបានស្វាគមន៍ដោយនិពន្ធនាយកកាសែតភ្នំពេញ ប៉ុស្តិ៍ លោក Joshua Purushotman និងប្រធានគ្រប់គ្រងការីនិពន្ធ កាសែតខេមរភាសា លោក សំ រិទ្ធ និងលោក James Ong នាយកប្រតិបត្ដិ។
ក្នុងអំឡុងពេលនៃដំណើរទស្សនកិច្ចរយៈពេល ១ ម៉ោងនេះ សិក្ខាកាមត្រូវបានផ្តល់ជូននូវបទបង្ហាញសង្ខេបអំពីទិដ្ឋភាពផ្សេងៗនៃប្រតិបត្តិការប្រព័ន្ធផ្សព្វផ្សាយ និងតម្រូវការសម្រាប់ជំនាញសរសេរព័ត៌មាន និងកែសម្រួល។
លោក Purushotman ក៏បានឆ្លើយសំណួរផ្សេងៗរបស់អនាគតអ្នកកាសែតទាំងនោះផងដែរ ខណៈភាគច្រើននៃពួកគេបានបង្ហាញចំណាប់អារម្មណ៍ចូលរួមជាមួយកាសែតភ្នំពេញ ប៉ុស្តិ៍នៅពេលបញ្ចប់ការសិក្សា។
មិនត្រឹមតែប៉ុណ្ណោះ ពួកគេក៏ត្រូវបានបង្ហាញទិដ្ឋភាពជុំវិញនៃបន្ទប់សរសេរព័ត៌មាន និងត្រូវបានណែនាំឲ្យស្គាល់បុគ្គលិកសំខាន់ៗមួយចំនួនរបស់កាសែតភ្នំពេញប៉ុស្ដិ៍ផងដែរ៕ រូបថត ហុង មិនា
