ក្រុមហ៊ុន ជីប ម៉ុង បានរៀបចំដំណើរទស្សនកិច្ចសិក្សាសម្រាប់និស្សិតអាហារូបករណ៍ជំនាន់ទី ២ របស់ក្រុមហ៊ុន ជីប ម៉ុង ចំនួន ១៦ រូបទៅកាន់រោងចក្រធំៗចំនួន ៣ របស់ក្រុមហ៊ុន ជីប ម៉ុង ព្រមទាំងពាណិជ្ជកម្មផ្សេងៗទៀតរបស់ក្រុមហ៊ុនកាលពីចុងសប្តាហ៍មុន។ ដំណើរទស្សនកិច្ចរយៈពេល ២ ថ្ងៃនេះធ្វើឡើងក្នុងគោលបំណងផ្តល់ឱកាសដល់និស្សិតទាំង ១៦ រូបចុះទៅស្វែងយល់ពីសកម្មភាពពាណិជ្ជកម្ម ចង្វាក់ផលិតកម្មនៃរោងចក្រ និងសកម្មភាពសង្គមរបស់ក្រុមហ៊ុន ជីប ម៉ុង។
គួរបញ្ជាក់ថាក្រុមហ៊ុន ជីប ម៉ុង ធ្វើការប្រគល់អាហារូបករណ៍ចំនួន ១៥ កន្លែងជាមួយនឹងទឹកប្រាក់អាហារូបករណ៍ចំនួន ៦០០០ ដុល្លារទៅកាន់ប្អូនៗសិស្សានុសិស្សដែលបានបញ្ចប់ថ្នាក់មធ្យមសិក្សាទុតិយភូមិជារៀងរាល់ឆ្នាំ។ ក្រុមហ៊ុននឹងចាប់បើកទទួលពាក្យអាហារូបករណ៍នៅខែកញ្ញាខាងមុខនេះ៕ រូបថត ហេង ជីវ័ន