ជាការទទួលស្គាល់ចំពោះការរួមចំណែក និងសមត្ថភាពបំពេញការងារក្នុងឆ្នាំ ២០១៨ បុគ្គលិក ធនាគារកម្ពុជាសាធារណៈសរុបចំនួន ៣៧៩ នាក់ទទួលបានការលើកទឹកចិត្តជាដំណើរកម្សាន្តទៅកាន់ប្រទេសជប៉ុនរយៈពេល ៥ ថ្ងៃ ៤ យប់។ ក្រុមទី ១ ដែលមានបុគ្គលិកសរុបចំនួន ១៨៧ នាក់បានធ្វើដំណើរទៅកាន់ប្រទេសជប៉ុនក្នុងឱកាសបុណ្យចម្រើនព្រះជន្ម ព្រះករុណា ព្រះបាទសម្ដេច ព្រះបរមនាថ នរោត្តម សីហមុនី រីឯក្រុមទី ២ នឹងធ្វើដំណើរក្នុងឱកាសបុណ្យអុំទូក បណ្តែតប្រទីប អកអំបុក និងសំពះព្រះខែក្នុងខែវិច្ឆិកាឆ្នាំនេះ។
សូមបញ្ជាក់ថា បុគ្គលិកគ្រប់លំដាប់ថ្នាក់ដែលក្នុងនោះរួមបញ្ចូលទាំងបុគ្គលិកបញ្ជូនឯកសារ/បុគ្គលិកបើបរ/ សន្ដិសុខ ក៏ធ្លាប់ទទួលបានការលើកទឹកចិត្តជាដំណើរកម្សាន្ដទៅកាន់ទីក្រុងម៉ាកាវ ហុងកុង ស៊ាងហៃ សេអ៊ូល ប៉េកាំង បាងកក សិង្ហបុរី និងគូឡាឡាំពួ ផងដែរ។ រូបថត SUPPLIED