.jpg)
កាលពីថ្ងៃទី ១៧ ខែតុលា ឆ្នាំ ២០១៨ ប្រេដ ប៊ែង (ខេមបូឌា) ដែលជាធនាគារអឺរ៉ុបឈានមុខគេតែ ១ គត់នៅប្រទេសកម្ពុជា និងជាធនាគារធំជាងគេលំដាប់ទី ២ នៅប្រទេសបារាំងបានបើកសម្ពោធសាខាទី ២ របស់ខ្លួននៅលើទឹកដីខេត្តសៀមរាបដែលមានទីតាំងនៅអគារ Sayon Square ដែលមានការអញ្ជើញចូលរួមដ៏ខ្ពង់ខ្ពស់ពីសំណាក់ឯកអគ្គរដ្ឋទូតបារាំងប្រចាំនៅកម្ពុជា និងតំណាងធនាគារជាតិកម្ពុជាផងដែរ។
លោក Guillaume Perdon អគ្គនាយកធនាគារ ប្រេដ ប៊ែង (ខេមបូឌា) មានប្រសាសន៍ថាធនាគារ ប្រេដប៊ែង គឺជាធនាគារសម្រាប់យើងទាំងអស់គ្នា ដែលជាជនជាតិខ្មែរក៏ដូចជាសហគមន៍បារាំង និងអឺរ៉ុប។ លើសពីនេះទៅទៀតយើងមានបម្រើប្រជាជនខ្មែរជាលក្ខណៈបុគ្គល សហគ្រាសខ្នាតតូច និងមធ្យម ក៏ដូចជាសាជីវកម្ម ឬស្ថាប័នធំៗផងដែរ។ លោកបន្តថាធនាគារ ប្រេដ ប៊ែង បានចំណាយប្រាក់ជាង ១០០ លានដុល្លារ សម្រាប់កម្ចីនៅក្នុងរយៈពេលប៉ុន្មានខែចុងក្រោយនេះដោយក្នុងនោះរួមមានប្រាក់កម្ចីផ្ទាល់ខ្លួន និងសម្រាប់អាជីវកម្មហើយដែលអាជីវកម្មជាង ៨០% ជាកម្មសិទ្ធិរបស់ជនជាតិខ្មែរ។
គួរបញ្ជាក់ផងដែរថានៅមុនដំណាច់ឆ្នាំ ២០២០ ធនាគារ ប្រេដ ប៊ែង (ខេមបូឌា) នឹងបង្កើតបណ្តាញសាខាចំនួន ១៥ ទៀតដើម្បីខិតឲ្យជិតប្រជាជនកម្ពុជា នៅទូទាំងប្រទេសទាំងមូល។
