ក្រុមហ៊ុន ខ្មែរ ប៊ែវើរីជីស ខូអិលធីឌី បានរៀបចំកម្មវិធីជួបជុំអ្នកសារព័ត៌មានកាលពីថ្ងៃទី ២០ ខែធ្នូ មុនដំណាច់ឆ្នាំនេះ នៅឯរោងចក្រក្រុមហ៊ុនផលិតស្រាបៀររបស់ខ្លួនដែលមានទីតាំងស្ថិតនៅសង្កាត់ជើងឯក ខណ្ឌដង្កោ រាជធានីភ្នំពេញ។ ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន និងក្រុមអ្នកសារព័ត៌មានជាច្រើនរូបបានអញ្ជើញដើរទស្សនារោងចក្រ ហើយក៏មានពិធីទទួលទានហារដ៏ឈ្ងុយឆ្ងាញ់ផងដែរ។ ក្រុមហ៊ុន ខ្មែរ ប៊ែវើរីជីស ដែលជាផ្នែកមួយនៃក្រុមហ៊ុនជីបម៉ុងគ្រុប គឺជាក្រុមហ៊ុនផលិតស្រាបៀរកម្ពុជា និងភេសជ្ជៈគ្មានជាតិអាល់កុលជាច្រើនមុខទៀត៕ រូបថត ហេង ជីវ័ន