កាលពីថ្ងៃទី៥ ខែសីហា កន្លងទៅនេះក្រុមហ៊ុន UPG Pipe Co.,Ltd បានរៀបចំកម្មវិធី ប្រគល់ជយលាភីប្រកួតស្នាដៃអ្នកមានទេពកោសល្យ និងគំនិតច្នៃប្រឌិតខ្ពស់នូវសម្ភារ បរិក្ខារបំពង់ទីបជ័រសញ្ញាឥន្ទ្រី លើកដំបូងដល់សិស្សានុសិស្សដែលមានស្នាដៃ និងទេពកោសល្យរបស់ខ្លួនចេះច្នៃបំពង់ជ័រមកធ្វើជាវត្ថុប្រើប្រាស់ផ្សេងៗ ដូចជាវត្ថុតាំងលម្អ ឧបករណ៍ប្រើប្រាស់ សង្ហារិម វត្ថុបិទឬតជារូប វត្ថុចម្លាក់ វត្ថុផ្គុំជារូបរបស់មានចលនាជាដើម។ កម្មវិធីនេះគឺបានលើកទឹកចិត្តដល់បេក្ខជនឲ្យប្រឹងប្រែងតាមរយៈសកម្មភាពចម្រុះបង្កើតនូវស្នាដៃសិល្បៈដោយការជឿជាក់លើខ្លួនឯង និងដោយគំនិតផ្ទាល់ខ្លួន។ ជាលទ្ធផលបេក្ខជនវ័យក្មេងទាំងនេះក៏បានបង្ហាញឲ្យឃើញនូវទេពកោសល្យច្នៃប្រឌិតទាំងស្រុងចំពោះសិល្បៈ៕ រូបថត ហុង មិនា