នា​ល្ងាច​ថ្ងៃ​អង្គារ ២២ ខែ​មករា​ជា​ពិធី​សម្ពោធ​សេវាកម្ម​ជួល​យានយន្ត​របស់ Budget Cambodia​។ ក្រុមហ៊ុន Asian Vehicle Rental (AVR) បាន​ទទួល​សិទ្ធិ​អំពី​ក្រុមហ៊ុន Avis Budget Group Inc. ក្នុង​ការផ្ដល់​សេវាកម្ម​ជួល​គ្រឿងយន្ត​នៅ​កម្ពុជា​។ ពិធី​សម្ពោធ​ដ៏ឱឡារិក​នេះ​ប្រារព្ធ​ឡើង​នៅ​សណ្ឋាគារ Sofitel ភ្នំពេញ​ដោយ​មាន​ការចូលរួម​យ៉ាង​កុះករ​ពី​អតិថិជន អ្នកជំនួញ ភ្នាក់ងារ សារព័ត៌មាន មិត្តភក្តិ​អ្នកគាំទ្រ AVR និង RMA Cambodia​។ លោក ងន សាំង អគ្គនាយក RMA Cambodia បាន​លើក​ឡើង​នូវ​ព័ត៌មាន​មួយ​ចំនួន​ជូន​អ្នកចូលរួម​ដើម្បី​ជ្រាប​អំពី​សេវាកម្ម​ជួល​យានយន្ត​​របស់ Budget ៖

- គ្រឿងយន្ត​ពាណិជ្ជកម្ម​៖ តាំងពី​រថយន្ត​ដឹកទំនិញ​រហូត​ដល់​រថយន្ត​ដឹក​ប្រេងឥន្ធនៈ

- គ្រឿងយន្ត​ក្នុង​វិស័យ​សំណង់​៖ រថយន្ត​ធំ គ្រឿងយន្ត​ជីក​កាយ​ដី​គ្រប់​ប្រភេទ

- គ្រឿង​ម៉ាស៊ីន​ផ្នែក​កសិកម្ម​៖ ត្រាក់ទ័រ​តូច-ធំ

- គ្រឿង​ម៉ាស៊ីន​លើក​ដាក់​ទំនិញ​៖ តូច-ធំ​គ្រប់​ប្រភេទ (forklift, boom lift)

- គ្រឿង​បរិក្ខារ​ផ្នែក​សម្អាត​៖ តូច-ធំ​សព្វ​បែប​យ៉ាង

បន្ទាប់មក​លោក​នាយក​ផ្នែក អាស៊ី James Richmond បាន​ថ្លែង​សុន្ទរកថា​ខ្លី​មួយ​ទៅ​កាន់​អ្នកចូលរួម​ទាំងអស់​។ ភ្ញៀវ​ទាំងឡាយ​ត្រូវ​បាន​អញ្ជើញ​ចូលរួម​ទទួល​បាន​អាហារ​ពេល​ល្ងាច​។ ពិធី​នេះ​បាន​ផ្ដល់​ឱកាស​ឲ្យ​អ្នក​ជំនួញ​ទាំងឡាយ​ជួបជុំ​គ្នា និង​ទទួល​បាន​ព័ត៌មាន​ពិស្ដារ​អំពី​សេវាកម្ម​ជួល​គ្រឿងយន្ត​របស់ Budget Cambodia​។