.jpg)
ដោយមានការសហការជាមួយសភាពាណិជ្ជកម្មអាមេរិកនៅកម្ពុជា (Amcham) នៅថ្ងៃទី ២០ ខែមករា ឆ្នាំ ២០២១ វិទ្យាស្ថានខេមអេដបានរៀបចំពិធីសម្ពោធជាផ្លូវការដើម្បីបើកដំណើរការមជ្ឈមណ្ឌលស្រាវជ្រាវ និងពិសោធន៍ពាណិជ្ជកម្មសម្រាប់និស្សិត។ គោលបំណងសំខាន់នៃកិច្ចសហការជាមួយ Amcham គឺដើម្បីគាំទ្រដល់គុណភាពនៃការស្រាវជ្រាវ និងមជ្ឈមណ្ឌលពិសោធន៍ពាណិជ្ជកម្ម។ ការងារនេះធ្វើឡើងដោយមានការលើកទឹកចិត្ត និងសហប្រតិបត្តិការពីក្រុមប្រឹក្សាជាតិគណនេយ្យ ក្រោមការដឹកនាំរបស់ឯកឧត្តមបណ្ឌិត ងី តាយី ដែលជារដ្ឋលេខាធិការនៃក្រសួងសេដ្ឋកិច្ច និងហិរញ្ញវត្ថុ និងជាប្រធានក្រុមប្រឹក្សាជាតិគណនេយ្យ។ មជ្ឈមណ្ឌលស្រាវជ្រាវ និងពិសោធន៍ពាណិជ្ជកម្មនៅវិទ្យាស្ថានខេមអេដ ត្រូវបានប្រើប្រាស់ ដើម្បីគាំទ្រសកម្មភាពអប់រំ និងការរៀនសូត្រដែលផ្អែកលើលទ្ធផល ដូចជា ការធ្វើកម្មសិក្សា ការងារ និងការណែនាំពីការធ្វើការងារ ការធ្វើពិសោធន៍ការងារ ការផ្តួចផ្តើមគំនិតអាជីវកម្ម និងការស្រាវជ្រាវជាដើម។ ការធ្វើកម្មសិក្សាការងារត្រូវបានត្រួតពិនិត្យ និងដឹកនាំដោយអ្នកគ្រប់គ្រង និងអ្នកណែនាំផ្ទាល់របស់និស្សិត ហើយក៏មានការសម្របសម្រួលពីនាយកដ្ឋានផ្តល់ការប្រឹក្សា និងសេវាកម្មការងារដល់និស្សិតនៅវិទ្យាស្ថានខេមអេដផងដែរ៕ រូបថត សហការី
