.jpg)
វត្ថុសិល្បៈបែបសហសម័យដែលឆ្លុះបញ្ចាំងពីការប្រើប្រាស់ប្លាស្ទិក និងក្តីកង្វល់ចំពោះបរិស្ថានសម្រាប់កូនចៅជំនាន់ក្រោយ ត្រូវបានរៀបចំតាំងបង្ហាញនៅសណ្ឋាគារ Memorie Palace Resort & Spa ក្រុងសៀមរាបក្រោមប្រធានបទ Watershed។
Watershed ដែលចង់សំដៅទៅលើលំហូរទឹកពីទីទួលខ្ពស់មកទីទំនាបរួចបែកផ្លូវជា ២ ត្រូវបានប្រដូចទៅនឹងជម្រើស ២ ស្តីពីបញ្ហាបរិស្ថានដោយពលរដ្ឋគួរត្រូវបន្តប្រើប្រាស់ប្លាស្ទិក ឬនាំគ្នាជួយកាត់បន្ថយឲ្យនៅចំនួនតិចតួចបំផុត។
លោក ភើ សុផុន ដែលជាម្ចាស់ស្នាដៃវត្ថុសិល្បៈទាំងនោះបង្ហើបប្រាប់ថា វាជាទម្រង់ក្បាច់បុរាណខ្មែរ មកុដ ស្នូកខ្យង តំណក់ទឹកភ្លៀងជាដើមត្រូវបានប្រើប្រាស់ដបទឹកសុទ្ធប្រមាណ ៧០០០ ដបដោយកាត់ច្រៀកបិទភ្ជាប់នឹងកាវ។ គួរបញ្ជាក់ថាពិព័រណ៍ Watershed បានកៀរគរអ្នកសិល្បៈមកពីទូទាំងប្រទេសព្រមទាំងបានភ្លក្សអាហារសម្រន់ដែលច្នៃចេញជាវត្ថុប្លាស្ទិកផងដែរ។ រូបថត ហុង មិនា
