.jpg)
សណ្ឋាគារ Marriott នៅកម្ពុជាបានរួមសហការរៀបចំព្រឹត្តិការណ៍រត់ប្រណាំងប្រចាំឆ្នាំរបស់ខ្លួនកាលពីថ្ងៃទី ២២ ខែកញ្ញាកន្លងទៅ ដើម្បីរៃអង្គាសប្រាក់ជួយមន្ទីរពេទ្យកុមារអង្គរដោយទទួលបានទឹកប្រាក់ជាង ៨ ៨៥០ ដុល្លារ។
ព្រឹត្តិការណ៍រត់ប្រណាំងនៅក្នុងឆ្នាំនេះត្រូវបានដឹកនាំដោយសណ្ឋាគារ Le Méridien Angkor។ ក្នុងនោះមានអ្នកចូលរួមរត់ប្រណាំងជាង ៦៨០ នាក់ដែលមានតាំងពីគណៈគ្រប់គ្រង សហការី ភ្ញៀវ និងដៃគូអាជីវកម្មរបស់សណ្ឋាគារ Marriott មកពីទូទាំងប្រទេសកម្ពុជា។ អ្នកចូលរួមទាំងអស់បានមកប្រមូលផ្តុំគ្នានៅសណ្ឋាគារ Le Méridien Angkor ដើម្បីបង្ហាញការគាំទ្រការរត់ប្រណាំងសប្បុរសធម៌ចម្ងាយ ៧ គីឡូម៉ែត្រនេះនៅក្នុងតំបន់អង្គរវត្តដ៏អស្ចារ្យរបស់កម្ពុជា។ ព្រឹត្តិការណ៍នេះក៏ទទួលបានការគាំទ្រពីកាសែត ភ្នំពេញ ប៉ុស្តិ៍ ផងដែរ៕ រូបថត សហការី
