ក្រុមហ៊ុនបដិសណ្ឋារកិច្ច ថាលាសកាលពីថ្ងៃទី ១០ ខែធ្នូ ឆ្នាំ ២០១៨ បានបើកសម្ពោធសាខាទី ៣ របស់ភោជនីយដ្ឋានខេមាស្ថិតក្នុងខេត្តសៀមរាបដែលមានឈ្មោះថា ភោជនីយដ្ឋានខេមាអង្គរដែលមានទីតាំងនៅតាមបណ្តោយស្ទឹងភូមិវត្តបូព៌ ឃុំសាលាកំរើក ខេត្តសៀមរាប។
អ្នកនាង Céline អ្នកគ្រប់គ្រងទូទៅភោជនីយដ្ឋាន ខេមាអង្គរសៀមរាបបានមានប្រសាសន៍ថា ខ្ញុំពិតជាមានអារម្មណ៍រំភើបណាស់ដែលបាននាំយកទស្សនទានរបស់ភោជនីយដ្ឋានខេមាមកកាន់ខេត្តសៀមរាប។ អ្នកនាងបន្តថា ពួកយើងនឹងផ្តល់ជូននូវអាហារដែលមានគុណភាព សេវាកម្មដែលល្អឥតខ្ចោះ និងបរិយាកាសដ៏អស្ចារ្យសម្រាប់ភ្ញៀវដើម្បីរីករាយជាមួយខេមា។
ខេមាអង្គរជាភោជនីយដ្ឋានថ្មីមួយដែលបើកបម្រើខាងវិស័យម្ហូបអាហារក្នុងខេត្តសៀមរាបដែលមានតម្លៃសមរម្យ គុណភាពខ្ពស់ និងមានបរិយាកាសល្អក្នុងការទាក់ទាញអ្នកដែលចូលចិត្តទទួលទានអាហារដែលបើកបម្រើជារៀងរាល់ថ្ងៃចាប់ពីម៉ោង ៦ ព្រឹក ដល់ម៉ោង ១០:៣០ នាទីយប់៕ រូបថត ហុង មិនា