.jpg)
ភោជនីយដ្ឋានបម្រើអាហារចិនដ៏ល្បីល្បាញ យ៉ី សាង ដែលគ្រប់គ្រងដោយក្រុមហ៊ុន Almond Hospitality Group កំពុងបង្ហាញនូវនំអន្សមចិនដ៏ពិសេស ដែលមានទម្ងន់រហូតដល់ ១១ គីឡូក្រាមដើម្បីអបអរពិធីបុណ្យសែនបាក់ចាំង ឬហៅថា បុណ្យទូកនាគ ឆ្នាំ ២០២០ ដែលនឹងចូលមកដល់នៅថ្ងៃទី ២៥ ខែមិថុនា ខាងមុខ។ ក្នុងអំឡុងពេលធ្វើបទបង្ហាញដល់ប្រព័ន្ធផ្សព្វផ្សាយកាលពីថ្ងៃពុធកន្លងទៅលោក លូ ម៉េង មេចុងភៅដ៏ល្បីល្បាញ និងជានាយកប្រតិបត្តិក្រុមហ៊ុន Almond Hospitality Group បានមានប្រសាសន៍ថា នំអន្សមនេះត្រូវចំណាយពេលប្រមាណ ៦ ថ្ងៃដើម្បីធ្វើ ហើយត្រូវចម្អិនប្រហែល ២០ ម៉ោងទើបឆ្អិនដែលអាចទទួលទានបាន។ នំអន្សមដ៏ពិសេសនេះធ្វើឡើងពីសាច់មាន់ប្រឡាក់គ្រឿង ១ ទាំងមូល វេចជាមួយអង្ករដំណើប ផ្សិត គ្រាប់ឈីសណាត់ ស៊ុតប្រៃ សាច់ជ្រូក ៣ ជាន់ដោយវេចខ្ចប់ជាមួយស្លឹកឈូក ហើយនំដ៏ឈ្ងុយឆ្ងាញ់នេះគេអាចទទួលទានបានចាប់ពី ២៥ ទៅ ២៧ នាក់៕
