.jpg)
មជ្ឈមណ្ឌលកម្សាន្តព្រីនស៍ ម៉ាណ័រ ដែលជាគម្រោងវិនិយោគរបស់ក្រុមហ៊ុន ព្រីនស៍ រៀលអ៊ីស្ទេត (ខេមបូឌា) គ្រុប ត្រូវបានសម្ពោធជាផ្លូវការកាលពីថ្ងៃទី ៧ ខែតុលា កន្លងទៅ ដោយទទួលបានការអញ្ជើញចូលរួមជាអធិបតីភាពដ៏ខ្ពង់ខ្ពស់ពីសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា, លោក Wang Wentian ឯកអគ្គរដ្ឋទូតចិនប្រចាំនៅកម្ពុជា ព្រមទាំងមន្ត្រីជាន់ខ្ពស់ជាច្រើនរូបទៀត។
មជ្ឈមណ្ឌលកម្សាន្តព្រីនស៍ ម៉ាណ័រ ដ៏ស្រស់អស្ចារ្យនេះ មានទីតាំងស្ថិតនៅតាមបណ្តោយដងទន្លេមេគង្គតំបន់កៀនស្វាយ និងជាគម្រោងរមណីយដ្ឋានទេសចរណ៍វប្បធម៌ដំបូងគេ ដែលគ្របដណ្ដប់លើផ្ទៃដីសរុបចំនួន ១៣៦ ០០០ ម៉ែត្រការ៉េ និងមានរុក្ខជាតិបៃតងជាង ៨៨% ហើយក្នុងនោះមានសួនកម្សាន្តលក្ខណៈគ្រួសារ សួនលម្អែកាយ សួនថែទាំសុខភាព ឧទ្យានកីឡា និងសួនវរជនដ៏ប្រណីតទាំង ៥ គឺសុទ្ធតែទទួលបានការពេញនិយមយ៉ាងខ្លាំង និងបានក្លាយជា «សួនច្បារ» របស់រាជធានីភ្នំពេញ៕
