ក្រុមកីឡាករកម្ពុជា និងជាម្ចាស់ជើងឯក Tiger Street Football Festival 2019 បានធ្វើដំណើរទស្សនកិច្ចទៅកាន់ទីក្រុង Rio de Janeiro ប្រទេសប្រេស៊ីលកាលពីថ្ងៃទី ១៧-១៩ កក្កដា ឆ្នាំ ២០១៩ ហើយបានជួបកំពូលកីឡាករបាល់ទាត់លំដាប់ថ្នាក់ពិភពលោក Ronaldinho ដោយផ្ទាល់។ នៅក្នុងដំណើរទស្សនកិច្ចនេះក្រុមកីឡាករកម្ពុជាបានចូលទស្សនាផ្ទាល់នូវការប្រកួតវគ្គ ១ ភាគ ៤ ផ្ដាច់ព្រ័ត្រនៅពហុកីឡដ្ឋានដ៏ធំឈ្មោះ Maracanã រវាងក្រុម Flamengo និង Athletico Paranaense ។ ជាពិសេសទៀតក្រុមកីឡាករកម្ពុជា និងក្រុមការងារស្រាបៀរថៃហ្គ័រក៏ទទួលបានការស្វាគមន៍យ៉ាងកក់ក្តៅមកកាន់គេហដ្ឋានផ្ទាល់របស់កំពូលកីឡាករបាល់ទាត់សញ្ជាតិប្រេស៊ីលរូបនេះផងដែរ៕ រូបថតសហការី