ធនាគារជាតិនៃកម្ពុជា (NBC) ដោយមានការចូលរួមពីក្រសួងអប់រំ យុវជន និងកីឡា និងក្រសួងកិច្ចការនារីបានប្រកាសអំពីគំនិតផ្តួចផ្តើមថ្មីមួយតាមរយៈការចុះហត្ថលេខាលើអនុស្សរណៈយោគយល់ដែលត្រូវបានបង្កើតឡើងដើម្បីលើកកម្ពស់ចំណេះដឹងផ្នែកហិរញ្ញវត្ថុ ដែលផ្តោតលើផ្នែកសំខាន់ចំនួន ២។
ទី ១ ធនាគារជាតិនៃកម្ពុជា និងក្រសួងអប់រំយុវជន និងកីឡាបានព្រមព្រៀងដាក់បញ្ចូលចំណេះដឹងផ្នែកហិរញ្ញវត្ថុទៅក្នុងកម្មវិធីសិក្សាចំណេះដឹងទូទៅរបស់ប្រទេសកម្ពុជា។ ទី ២ ធនាគារជាតិនៃកម្ពុជា និងក្រសួងកិច្ចការនារី សហការគ្នាដើម្បីលើកកម្ពស់ចំណេះដឹងផ្នែកហិរញ្ញវត្ថុដល់ស្ត្រី ជាពិសេសនៅតាមតំបន់ជនបទក៏ដូចជាដើម្បីបញ្ជ្រាបចំណេះដឹងផ្នែកហិរញ្ញវត្ថុដល់សហគ្រិនជាស្ត្រីផងដែរ៕