មនុស្សប្រមាណ ៣ ០០០ នាក់បានចូលរួមយុទ្ធនាការ «ការដើរដោយសុវត្ថិភាព» ដែលរៀបចំដោយគណៈកម្មាធិការជាតិសុវត្ថិភាពចរាចរណ៍ផ្លូវគោក សហការជាមួយក្រុមហ៊ុន Marketing Solutions Asia Ltd ដើម្បីលើកកម្ពស់ការយល់ដឹងអំពីសុវត្ថិភាពចរាចរណ៍ផ្លូវគោក ដល់សាធារណជនដែលសំដៅទៅដល់ការកាត់បន្ថយគ្រោះថ្នាក់ចរាចរណ៍ផ្លូវគោក។
អ្នកចូលទាំងអស់បានចេញដំណើរពីសួនមុខវត្តបទុមឆ្ពោះទៅកាន់កោះពេជ្រ នាព្រឹកថ្ងៃអាទិត្យទី ២៤ ខែវិច្ឆិកា។ នៅក្នុងពិធីនេះក៏មានការប្រគំតន្ត្រីសប្បុរសធម៌ និងកម្មវិធីអប់រំស្តីសុវត្ថិភាពចរាចរណ៍ផងដែរ។ ពិធីនេះត្រូវបានធ្វើឡើងក្រោមអធិបតីភាពដ៏ខ្ពង់ខ្ពស់របស់សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ ៕ រូបថត ហុង មិនា