ក្រុមហ៊ុនធានារ៉ាប់រងជីវិត AIA Cambodia និងមន្ទីរពេទ្យព្រះសីហនុ មណ្ឌលនៃក្តីសង្ឃឹមបានរៀបចំយុទ្ធនាការ FIT FOR HOPE by AIA នៅថ្ងៃទី ២០ តុលា ២០១៨ ក្នុងគោលបំណងលើកកម្ពស់ការយល់ដឹងអំពីជំងឺមហារីកសុដន់ និងដើម្បីទ្រទ្រង់មន្ទីរពេទ្យនេះផ្ទាល់។
យុទ្ធនាការនេះបានផ្តល់ការពិនិត្យ និងពិគ្រោះពីជំងឺមហារីកសុដន់ដល់មនុស្សប្រមាណ ១៣០០ នាក់។ ក្បួនដើរដង្ហែ Pink Walk មានអ្នកចូលរួមប្រហែល ២ ០០០ នាក់ ហើយការប្រគំតន្ត្រីមានអ្នកទស្សនាជាង ២០ ០០០ នាក់នៅនឹងកន្លែង។ ចាប់តាំងពីពាក់កណ្តាលខែកញ្ញាមកយុទ្ធនាការនេះទទួលបានប្រាក់បរិច្ចាគដល់ទៅ ៣០ ០០០ ដុល្លារដែលអាចជួយឲ្យមានសម្ភារអប់រំដល់មនុស្សជិត ២ លាននាក់ ផ្តល់ការពិនិត្យមហារីកសុដន់ដោយប្រើកាំរស្មី X ប្រមាណ ៤០០០ ករណី ឬការវិភាគកោសិកាមហារីកសុដន់ច្រើនជាង ១ ៣០០ ករណី។ រូបថត AIA