The Phnom Penh Post Search

Search form




Logo of Phnom Penh Post newspaper Phnom Penh Post - រាជធានី​ភ្នំពេញ​ប្រារព្ធ​ពិធី​អបអរសាទរ​ទិវា​ «ASEM Day» ក្រោម​បរិយាកាស​ដ៏រីករាយ

រាជធានី​ភ្នំពេញ​ប្រារព្ធ​ពិធី​អបអរសាទរ​ទិវា​ «ASEM Day» ក្រោម​បរិយាកាស​ដ៏រីករាយ

ទិវា ASEM DAY ស្តីពី​កម្ពុជា​ធ្វើជា​ម្ចាស់ផ្ទះ​រៀបចំ​កិច្ចប្រជុំ​កំពូល​អាស៊ី-អឺរ៉ុប​លើក​ទី ១៣ នៅពេល​ខាងមុខ​ត្រូវ​បាន​ប្រារព្ធ​ធ្វើឡើង​នៅ​ឧទ្យាន​ខាងមុខ​វត្ត​បទុមវតី រាជធានី​ភ្នំពេញ​កាលពី​ថ្ងៃទី​ ១០ ខែ​មីនា​។ ប្រទេស​ចំនួន​ ២០ ​មកពី​ទ្វីបអាស៊ី និង​ ៣១ ​ប្រទេស​មកពី​ទ្វីបអឺរ៉ុប​នឹង​មក​ចូលរួម​កិច្ចប្រជុំ​កំពូល​អាស៊ី-អឺរ៉ុប​លើក​ទី​ ១៣ នៅក្នុង​ខែវិច្ឆិកា​ខាងមុខ​ក្នុង​គោលបំណង​ដើម្បី​ឈានដល់​ដំណោះស្រាយ​ពហុភាគី​លើ​បញ្ហា​ជាច្រើន​ដែល​សកលលោក​កំពុង​ប្រឈម​។ ឧបនាយករដ្ឋមន្ត្រី ប្រាក់ សុខុន រដ្ឋមន្ត្រី​ក្រសួងការបរទេស​ដែល​បាន​អញ្ជើញ​ជា​អធិបតី​ក្នុង​ពិធី​បើក​ការ​ប្រារព្ធ​ទិវា​នេះ​បាន​គូសបញ្ជាក់ថា រដ្ឋាភិបាល​បានដាក់​ចេញ​នូវ​ប្រធានបទ​ «​ការពង្រឹង​ពហុភាគី​និយម ដើម្បី​កំណើន​រួមគ្នា​» ជា​ប្រធានបទ​សម្រាប់​កិច្ចប្រជុំ​កំពូល​នេះ​ដែល​នឹង​ធ្វើ​ឡើង​នៅ​ខែវិច្ឆិកា​ខាងមុខ​៕ រូបថត ហេង ជីវ័ន