ហៃខូវ: នៅក្នុងកិច្ចខិតខំប្រឹងប្រែងរវាងមន្ទីរទេសចរណ៍ខេត្ត ព្រះសីហនុ ក្រុមហ៊ុនទេសចរណ៍ខេត្ត ហៃណាន Hainan Tourism Holders ក្រុមហ៊ុនអាកាសចរណ៍ Hainan Airline Travel Group និងក្រុមហ៊ុនទេសចរណ៍ World Pop Travel-Tours Group បានរួមគ្នាលើកកម្ពស់ និងផ្សព្វផ្សាយ សក្តានុពលតំបន់ទេសចរណ៍ល្បីៗនៅខេត្ត ហៃណាន ដល់ភ្ញៀវទេសចរកម្ពុជា ក៏ដូចជា ផ្សព្វផ្សាយតំបន់ទេសសចរណ៍ខេត្តព្រះសីហនុ ទៅដល់បណ្តាក្រុមហ៊ុនទេសចរណ៍នៃខេត្ត ហៃណាន។
ជាផ្នែកមួយនៃយុទ្ធនាការរបស់ខ្លួន មន្រ្តីមន្ទីរទេសចរណ៍ខេត្តដែលដឹកនាំដោយលោក តាំង សុចិត្តគ្រឹស្នា និងក្រុមអ្នកសារព័ត៌មានកម្ពុជា ជាច្រើនរូប ត្រូវបានអញ្ជើញឱ្យធ្វើដំណើរទស្សនកិច្ចទៅកាន់តំបន់ទេសចរណ៍ដ៏ល្បីល្បាញ កាលពីថ្ងៃទី ១៥-១៩ ខែកក្កដា កន្លងទៅ។
បច្ចុប្បន្នការធ្វើដំណើរទៅទស្សនាគោលដៅទេសចរណ៍នៅក្នុងប្រទេស ចិន គឺមានភាពងាយស្រួលជាមួយក្រុមហ៊ុនអាកាសចរណ៍ Hainan United Airlines ដែលធ្វើការហោះហើរត្រង់ពីខេត្តព្រះសីហនុទៅកាន់ទីក្រុងហៃខូវ ខេត្តហៃណានតែម្តង។ សូមបញ្ជាក់ផងដែរថា ក្រុមហ៊ុនអាកាសចរណ៍ Hainan Airlines បានផ្តល់សិទ្ធិផ្តាច់មុខដល់ក្រុមហ៊ុនវើលដ៍ផបត្រាវែល-ធួរគ្រុប ដែលជាក្រុមហ៊ុនទេសចរណ៍ដ៏ធំមួយនៅក្នុងប្រទេសកម្ពុជាដើម្បីលើកកម្ពស់គោលដៅទេសចរណ៍នេះ។
ប្រសិនបើភ្ញៀវទេសចរកម្ពុជាមានចំណាប់អារម្មណ៍ចង់ធ្វើដំណើរកំសាន្តនៅកាន់កោះហៃណាន លោកអ្នកអាចធ្វើការទាក់ទងសាកសួរព័ត៌មានដោយផ្ទាល់ជាមួយក្រុមហ៊ុនវើលដ៍ផបត្រាវែល-ធួរគ្រុប ដែលមានអាសយដ្ឋានស្ថិតនៅផ្ទះលេខ 152, 154, 156 មហាវិថីកម្ពុជាក្រោម ឫទំនាក់ទំនងតាមរយៈលេខទូរស័ព្ទ៖ 012 217 789/012 317 789៕