កាលពីថ្ងៃទី ២៩ ខែមិថុនា ឆ្នាំ ២០១៩ ក្រុមហ៊ុន មុំ វ៉ារិន អ៊ិនវេសម៉ិន បានជួបជុំសមាជិកភាគហ៊ុនិកក្រុមទី ១ ដែលបានទិញហ៊ុនជាមួយគម្រោងវិនិយោគទី ១ ដំណាក់កាលទី ១ នៅខេត្តកំពតលើទំហំផ្ទៃដីជាង ៦ ហិកតា ស្មើ ១០០០ ហ៊ុន។ នេះជាគំនិតថ្មីមួយក្នុងការវិនិយោគដីធ្លី តាមរយៈការទិញលក់ជា “ភាគហ៊ុន” ដើម្បីផ្តល់ឱកាសដល់បុគ្គលិករបស់ខ្លួនទាំងអស់ និងប្រជាពលរដ្ឋខ្មែរដែលមានជីវភាពមធ្យម និងក្រោមមធ្យមអាចចូលរួមស្វែងយល់ និងវិនិយោគលើអចលនទ្រព្យដោយផ្ទាល់ជាមួយដើមទុនដ៏តិចតួច ដើម្បីបានផលចំណេញ និងដើម្បីលើកស្ទួយជីវភាពរបស់ពួកគេឲ្យកាន់តែប្រសើរឡើង។ តាមរយៈគម្រោងវិនិយោគនេះគឺឈរលើទស្សន: “ចាកចេញពីភាពក្រីក្រ និងដើម្បីលូតលាស់រួមគ្នា” ដោយផ្តោតយ៉ាងសំខាន់ទៅលើអ្នកដែលយល់ថា ជីវភាពរបស់ពួកគេនៅមានកម្រិត ដើម្បីរួមគ្នាឲ្យក្លាយជាអ្នកមានទ្រព្យ បង្កើតមិត្តភាព និងមានផ្នត់គំនិតវិជ្ជមានដែលជាចំណុចស្នូលសម្រាប់ក្លាយជាបុគ្គលជោគជ័យ៕ រូបថតសហការី