ជាការបន្តនូវស្មារតីនៃកិច្ចការសប្បុរសធម៌តាមសហគមន៍ដើម្បីអបអរខួបលើកទី១២ឆ្នាំរបស់ខ្លួន ធនាគារឯកទេសវីង (ខេមបូឌា) លីមីតធីត រួមទាំងបុគ្គលិកកាលពីពេលថ្មីៗនេះបានធ្វើការបរិច្ចាគសម្ភារផ្សេងៗដើម្បីជួយដល់កុមារដែលកំពុងរស់នៅមជ្ឈមណ្ឌលរក្សាកុមារ ក្រុមជំនុំដំណឹងល្អពោរពេញកម្ពុជា (FGACCCC) នៅក្នុងខេត្តកំពង់ស្ពឺ។ កុមារប្រមាណ ៦០ នាក់ដែលកំពុងរស់ក្នុងមជ្ឈមណ្ឌលនៅស្រុកច្បារមននឹងទទួលបានអត្ថប្រយោជន៍ពីការគាំទ្ររបស់វីងដល់មជ្ឈមណ្ឌលថែទាំកុមារដែលបានផ្តល់ការអប់រំ អាហារ និងកន្លែងស្នាក់នៅដោយឥតគិតថ្លៃ។ កុមារទាំងនោះទទួលបានកុំព្យូទ័រយួរដៃចំនួន ១៧ គ្រឿងសម្ភារកីឡា សម្ភារសិក្សា និងមានពិធីដាំកូនឈើរួមគ្នាផងដែរ។ ចាប់ផ្តើមដំណើរការនៅប្រទេសកម្ពុជានាឆ្នាំ ២០០៩ វីងបានប្រកាន់ខ្ជាប់នូវស្មារតីនៃពលរដ្ឋសាជីវកម្មល្អ ហើយព្យាយាមធានាឲ្យបានថា ប្រជាពលរដ្ឋគ្រប់រូបអាចទទួលបានដំណោះស្រាយហិរញ្ញវត្ថុតាមបែបឌីជីថលដ៏សម្បូរបែបប្រកបដោយភាពងាយស្រួល ហើយដើម្បីអបអរសាទរខួប ១២ ឆ្នាំរបស់ខ្លួន វីង កំពុងបន្តសកម្មភាពសប្បុរសធម៌ជាច្រើនផ្សេងទៀត ដើម្បីគាំទ្រដល់សហគមន៍ដែលខ្វះខាត ដោយមានការគាំទ្រពីនិយោជក ដៃគូអាជីវកម្ម និងអ្នកពាក់ព័ន្ធជាច្រើនទៀតផងដែរ៕ រូបថត សហការី