​សមាជិក​ថ្មី realme 5i ដែល​មាន​ថាមពល​ថ្ម 5000mAh និង​កាមេរ៉ា​​ ៤ ​គ្រាប់​បាន​ដាក់​ប្រកាស​ជា​ផ្លូវការ​នៅ​ប្រទេស​ កម្ពុជា​ ហើយ​

❮ ❯

ក្រុមហ៊ុន realme បានដាក់ប្រកាសនូវទូរស័ព្ទម៉ូឌែលថ្មីជាផ្លូវការនៅប្រទេសកម្ពុជាហើយកាលពីថ្ងៃទី ៥ ខែ កុម្ភះ ឆ្នាំ ២០២០ កន្លងទៅគឺទូរស័ព្ទ realme 5i។

Realme គឺជាម៉ាកដែលបានផ្តាច់ចេញពីក្រុមហ៊ុន OPPO ហើយ realme ទើបបង្កើតបានមិនដល់រយៈពេល ២ ឆ្នាំផងក៏បានជាប់ក្នុងចំណាត់ថ្នាក់ទី ៧ ទូទាំងពិភពលោកទៅហើយ។

ដោយបានចូលមកដល់ក្នុងទីផ្សារប្រទេសកម្ពុជាកាលពីខែតុលាឆ្នាំ ២០១៩ និងមានសកម្មភាពថ្មីៗជាច្រើនទៀតនោះ realme បានប្រកាសនូវទូរស័ព្ទ 5 series និងទូរស័ព្ទ realme X2 Pro ជាបន្តបន្ទាប់។

ក្នុងនោះផងដែរទូរស័ព្ទ 5 series ទទួលបានការចាប់អារម្មណ៍យ៉ាងខ្លាំង និងមានចំនួនលក់រហូតដល់ទៅ ៦ លានគ្រឿងជុំវិញពិភពលោក។ រីឯ realme 5i ដែលជាម៉ូឌែលថ្មីរបស់ realme 5 series គឺបានបំពាក់នូវបន្ទះឈីប snapdragon និងកាមេរ៉ាក្រោយ 4 គ្រាប់ជាមួយគ្នានេះដែរ realme 5i ក៏មាននូវថាមពលថ្មធំរហូតដល់ទៅ 5000mAh ដែលដាក់លក់ក្នុងតម្លៃត្រឹមតែ ១៦៩ ដុល្លារតែប៉ុណ្ណោះ។

ការរចនាម៉ូតរបស់ realme 5i ត្រូវបានរចនាម៉ូតឡើងដោយមានពីរជំរើសគឺព៌ណ Forest Green និង Aqua Blue ។ ហើយអ្វីដែលខុសគ្នាជាមួយនឹងrealme 5 និង realme 5 pro នោះគឺ realme 5i មិនមាននូវផ្ទៃក្រោយរលោងនោះទេដោយមានជាការឌីសាញថ្មីដែលមានជាសភាពឆ្នូតងាយស្រួលក្នុងការកាន់ និងមិនមានបន្សល់ស្នាមក្រយៅដៃនៅលើទូរស័ព្ទដែលធ្វើឲ្យមើលទៅមិនស្អាត។

តាមរយៈរូបភាពដែលបានបង្ហាញយើងឃើញថាទូរស័ព្ទដែលមានព៌ណស្រស់ស្អាតបែបនេះ គឺមិនទាន់មានច្រើននោះទេនៅប្រទេសកម្ពុជា។ realme គឺជាម៉ាកមួយដែលហ៊ានឆ្ពោះទៅមុខហើយលើកនេះក៏បាននាំមកនូវជាមួយការភ្ញាក់ផ្អើលថ្មីមួយទៀតជាមួយនឹងការឌីសាញពណ៌ដ៏ស្រស់ស្អាតនេះ។

realme 5i បំពាក់មកជាមួយថាមពលថ្ម 5000mAh ដែលអាចទ្រទ្រង់ការសាកថ្មបាន 10W និងអាចទុកបានរហូតដល់ទៅ ៣០ ថ្ងៃដែលមានភាពងាយស្រួល និងជាជម្រើសដ៏ល្អសម្រាប់អ្នកដែលមិនចូលចិត្តយក Power bank តាមខ្លួន។

វាផ្តល់នូវទំហំផ្ទុកទិន្នន័យរហូតដល់ទៅ 64GB ដែលអាចបន្ថែមតាមរយៈ memory microSD (រហូតដល់ 256GB) និងផ្តល់ជាជម្រើសកាន់តែច្រើនសម្រាប់អ្នកទាំងអស់គ្នា។

លើសពីនេះទៀត realme 5i បានបំពាក់កាមេរ៉ាក្រោយរហូតដល់ 4 គ្រាប់ដោយកាមេរ៉ាគោលមានទំហំ 12 មេហ្គាភិចស៊ែលអាភិចឈើ f/1.8, ចំណែកឯលែនមួយទៀតនោះគឺ 8 មេហ្គាភិចស៊ែលអាភិចឈើ f/2.25 ដែលជាលែនទូលាយអាចថតរូបភាពបានរហូតដល់ 118.9 ដឺក្រេ។

មិនត្រឹមតែប៉ុណ្ណោះក៍វាភ្ជាប់មកជាមួយលែនថតរូបបញ្ឈរ ឬហៅថា Portrait 2 មេហ្គាភិចស៊ែលអាភិចឈើ f/2.0 នឹងលែនចុងក្រោយជាលែនម៉ាក្រូសំរាប់ថតរូបជិត 2 មេហ្គាភិចស៊ែលថតរូបបានជិតរហូតដល់ 4 សង់ទីម៉ែត។ ចំណែកឯកាមេរ៉ាមុខមានទំហំ 8 មេហ្គាភិចស៊ែលទំហំអាភិចឈើគឺ f/2.0។

មិនត្រឹមតែប៉ុណ្ណោះលក្ខណៈពិសេសនៃកាមេរ៉ានេះអាចថតវីដេអូបានដល់កម្រិត 4K 30fps និងវីដេអូមានសកម្មភាពយឺតៗឬ Slomo បានដល់ 120fps ជាមួយនឹងបច្ចេកវិទ្យា Super night mode សម្រាប់ថតពេលយប់ ឬទីងងឹត។

realme 5i បានបំពាក់នូវបន្ទះឈីប snapdragon 665AIE ជាមួយនិងអេក្រង់ធំទូលាយដែលផ្តល់ភាពងាយស្រួលក្នុងការមើល។ realme 5i អាចប្រើបានស៊ីម ២ ដំណើរការនៅលើប្រព័ន្ធ Android Pie និង ColorOS 6.0.1។

ចំណែកឯអេក្រង់មានទំហំធំទូលាយរហូតដល់ 6.5 អ៊ីញប្រភេទ HD + (720 x 1600 ភីចសែល) ដែលអាចការពារការជ្រាបចូលទឹកសមាមាត្រ 1200:1 និងការពារដោយកញ្ចក់ Gorilla Glass 3+។ គួរបង្ហាញបានអត្រារហូតដល់ 89% ពីអេក្រងរហូតដល់តួរខ្លួន, ចំណែកកម្លាំងពន្លឺ 480nits។ ស្មាតហ្វូន realme ថ្មីនេះភ្ជាប់ជាមួយបន្ទះឈីប octacore Qualcomm Snapdragon 665 SoC និង RAM 4GB ។

ជម្រើសនៃការតភ្ជាប់រួមមាន 4G LTE, ប៊្លូធូស 5.0, wifi 802.11 ac, និង GPS។ ឧបករណ៍ចាប់សញ្ញារបស់ realme 5i ប្រៀបដូចជាត្រីវិស័យ។ មិនត្រឹមតែប៉ុណ្ណោះវាភ្ជាប់មកជាមួយ Sensor ការកំណត់ពន្លឺដោយស្វ័យប្រវត្តិ, ចាប់សញ្ញានៅជុំវិញខ្លួន, វាស់ល្បឿន, ចាប់សញ្ញាចលនារបស់ស្មាតហ្វូន និង Sensor ស្កែនម្រាមដៃដែលអាចផ្ទៀងផ្ទាត់បានត្រឹមត្រូវបំផុត។ វិមាត្រនៃទូរស័ព្ទ realme មានទំហំ 164,4 គុណនឹង 75 គុណ 9,3 មីល្លីម៉ែត្រហើយវាមានទំងន់ 195 ក្រាម។

លក្ខណៈពិសេសនៃ realme5i ដែលចេញថ្មីនេះគឺមិនសូវមានភាពខុសគ្នាខ្លាំងនឹង realme 5 នោះទេ ។ ប៉ុន្តែអ្វីដែលប្លែកនោះគឺយើងអាចមានជម្រើសច្រើនជាមួយនឹងការឌីសាញថ្មី និង Memory នៃទូរស័ព្ទ។

ចាប់តាំងពី realme បានចូលមកក្នុងទីផ្សារប្រទេសកម្ពុជាមក realme បានចូលរួមសកម្មភាពជាច្រើនជាមួយយុវវ័យ។ ដោយក្នុងកំឡុងខែមករានេះ realme បានប្រកាសសហការជាមួយ smart Axiata នៅក្នុងការប្រកួត PUBG ។ ទន្ទឹមនឹងនេះ realme ក៏បានប្រកាសជាផ្លូវការថាលោក G-Devith និងលោក Lay Bunleng បានចូលជាសមាជិកនៃគ្រួសារ realme ផងដែរ។ ហើយនៅក្នុងកម្មវិធី MEDIA TASTING លើកនេះយើងក៏បានជួបជាមួយនឹង KOL ល្បីៗជាច្រើនរូបរួមមានលោក Ream Angkor លោក HengVeasna Bong Beemedia និងតារាជាច្រើនរូបទៀត។ មិនដឹងថា realme នឹងមានការសហការដ៏អស្ចារ្យអ្វីទៀតដែលនឹងធ្វើឡើងនៅពេលក្រោយទេ ដូច្នេះសូមទន្ទឹងរង់ចាំទាំងអស់គ្នា៕