​សាលា​អន្តរជាតិ Kent Ridge ប្រារព្ធ​ពិធី​បញ្ចប់​ការសិក្សា​ជាមួយ​ការផ្តល់​អាហារូបករណ៍ និង​ពាន​រង្វាន់​សិស្ស​ឆ្នើម​

❮ ❯

នៅថ្ងៃទី ៣ ខែវិច្ឆិកា ឆ្នាំ ២០១៨ សាលាអន្តរជាតិខេនរីដបានប្រារព្ធពិធីបើកបវេសនកាលឆ្នាំសិក្សាថ្មី និងប្រគល់សញ្ញាបត្រ អាហារូបករណ៍ និងមេដាយដល់សិស្សឆ្នើមប្រចាំឆ្នាំ ២០១៧-២០១៨ នៅសណ្ឋាគារឌីវីតដែលមានការចូលរួមដោយមោទនភាពពីឪពុកម្តាយ អាណាព្យាបាល សិស្សានុសិស្ស និងបណ្តាបុគ្គលិក លោកគ្រូអ្នកគ្រូទាំងអស់របស់សាលាខេនរីដនៅក្នុងពិធីនេះ។

អាហារូបករណ៍ដែលមានតម្លៃ 300 000 ដុល្លារត្រូវបានប្រគល់ជូនសិស្ស 30 នាក់សម្រាប់ឆ្នាំសិក្សាថ្មីនេះ។ លោក ង៉ោ ប៉េងទី នាយកសាលាអន្តរជាតិខេនរីដ បានលើកឡើងថានៅក្នុងប្រព័ន្ធអប់រំ គុណភាពអប់រំមិនអាចមើលរំលងគុណភាពគ្រូបានទេ។ លោកបានបន្តថាសាលាអន្តរជាតិខេនរីដ នឹងប្តេជ្ញាជានិច្ចក្នុងការពង្រឹងគុណសម្បត្តិរបស់គ្រូបង្រៀន និងប្រព័ន្ធគ្រប់គ្រងសាលារៀនគឺគ្មាន ២ នៅក្នុងប្រទេសកម្ពុជា។

សាលាក៏បានឆ្លៀតឱកាសនេះដើម្បីផ្តល់ជូននូវប័ណ្ណសរសើរដល់សិស្សានុសិស្សចំនួន ១៦ រូប រីឯ សិស្ស ២៦ នាក់និង ២៥ នាក់ ដទៃទៀតទទួលបានជោគជ័យនៃការប្រកួតប្រជែងគណិតវិទ្យាស្តង់ដារជប៉ុន SUKEN 2018 ការប្រកួតប្រជែង SASMO 2018 និង Scholar’s Cup ផងដែរ។ ជាមួយនេះផងដែរ សិស្សសាលាអន្តរជាតិខេនរីដ 4 នាក់ទៀតទទួលបានមេដាយប្រាក់ និងមេដាយសំរឹទ្ធក្នុងការប្រឡងប្រកួតប្រជែង IMSO នៅក្នុងប្រទេសចិន។

សិស្សកម្រិតមធ្យមសិក្សាក៏បានទទួលអាហារូបករណ៍អាស៊ានឆ្នាំ 2018 ដោយរដ្ឋាភិបាលសិង្ហបុរីដើម្បីសិក្សានៅប្រទេសសិង្ហបុរី។