SCIA Learning Village ជា​វេទិកា​សហគមន៍​មួយ​ដែល​បង្កើតឡើង​ដោយ Singapore (Cambodia)International Academy ដើម្បី​ជួយ​សម្រួល​ដល់​ការរៀនសូត្រ​តាម​បែប​ពិសោធ​ផ្ទាល់​ជាក់ស្តែង​បាន​បើក​ទ្វារ​ដល់​សិស្សានុសិស្ស ឪពុកម្តាយ និង​សាធារណជន​កាលពី​ថ្ងៃទី​ ៣ ខែ​វិច្ឆិកា​នៅ​បរិវេណ​សាលា SCIA​។

ព្រឹត្តិការណ៍​នេះ​បាន​ផ្តល់​នូវ​ភាពសប្បាយ​រីករាយ និង​មធ្យោបាយ​ជាក់ស្តែង​ដើម្បី​ឲ្យ​អ្នក​ចូលរួម​រៀន​ពី​និន្នាការ​ចុងក្រោយ​បំផុត បច្ចេកវិទ្យា​ទំនើប និង​ជំនាញ​ទន់​ពី​ដៃគូ​ឧស្សាហកម្ម​មកពី​សិង្ហបុរី បារាំង និង​ជប៉ុន​រួមមាន​មន្ទីរពេទ្យ Sunrise Japan និយាយ​អំពី​អាហារូបត្ថម្ភ និង​ផ្តល់​ជូន​អ្នក​ចូលរួម​នូវ​ប័ណ្ណសមាជិក​ប្រឹក្សា​យោបល់​ផ្នែក​សុខភាព​ដោយ​ឥតគិតថ្លៃ និង​ក្រុមហ៊ុន APPress ផ្តល់​ជូន​សិក្ខាសាលា​ស្តីពី No-code Rapid App Maker អនុញ្ញាត​ឱ្យ​អ្នក​ចូលរួម​ដែល​មិន​មាន​ចំណេះដឹង​សរសេ​កូដ​ពី​មុន​អាច​បង្កើត​កម្មវិធី App បាន​។

ការនាំ​យក​ព្រឹត្តិការណ៍​នេះ​ទៅ​ឲ្យ​កាន់តែ​ជិត​ដើម្បី​ឲ្យ​សិស្ស​កម្រិត​បឋមសិក្សា និង​វិទ្យាល័យ​របស់ SCIA ទាំងអស់​បង្ហាញ​សាធារណជន​បាន​ឃើញ​នូវ​ការសម្តែង​របស់​ពួកគេ​នៅក្នុង​កម្មវិធី “SCIA’s Got Talent”​។