អង្គការសប្បុរសធម៌ Lighthouse Club Cambodia បានរៀបចំព្រឹត្តិការណ៍ Annual Charity Golf Day លើកទី ៦ នៅក្លិបវាយកូនហ្គោល Royal Cambodia Phnom Penh Golf Club កាលពីថ្ងៃទី ១៣ ខែកុម្ភៈ ដោយមានអ្នកចូលរួមប្រមាណ ៦០ នាក់ដែលឆ្នាំនេះគឺជាព្រឹត្តិការណ៍ធំបំផុតរបស់ពួកគេ។ Lighthouse Club គឺជាអង្គការសប្បុរសធម៌ផ្តោតលើឧស្សាហកម្មសំណង់ បានចាប់ផ្តើមនៅចក្រភពអង់គ្លេសអស់រយៈពេលជាង ៦០ ឆ្នាំមកហើយ និងបានបង្កើតសាខានៅទីក្រុងភ្នំពេញក្នុងឆ្នាំ ២០១០។ លោក Kerr Thomson សហប្រធាននៃអង្គការ Lighthouse បានថ្លែងថា ក្លិបមានគោលបំណងគាំទ្រដល់យុវជនកម្ពុជាដែលមិនសូវមានជីវភាពធូរធារតាមរយៈការអប់រំ ជួយកម្មករសំណង់ដែលរងរបួស និងលើកកម្ពស់ចំណងមិត្តភាព និងកិច្ចសហប្រតិបត្តិការល្អក្នុងចំណោមសមាជិករបស់ខ្លួន។ ឆ្នាំនេះគឺជាព្រឹត្តិការណ៍វាយកូនហ្គោលធំបំផុតរបស់យើងដែលមានកីឡាករជាង ៦០ នាក់ចូលរួម។ ថវិកាដែលបានរៃអង្គាសនឹងយកទៅជួយដល់សិស្សចំនួន ១០ នាក់តាមរយៈការអប់រំទាក់ទងនឹងសំណង់រយៈពេល ១ ឆ្នាំដោយគ្របដណ្តប់លើថ្លៃសិក្សា និងថ្លៃចំណាយសម្រាប់ការរស់នៅ»៕ photos supplied