.jpg)
អង្គការ Save the Children បានរៀបចំកម្មវិធីជាសាធារណៈដើម្បីអបអរសាទរខួប ១០០ ឆ្នាំរបស់ខ្លួនចាប់តាំងពីការបង្កើតអង្គការនេះឡើង។ កម្មវិធីនេះបានរៀបចំឡើងនៅផ្សារទំនើបអ៊ីអនសែនសុខ រាជធានីភ្នំពេញក្នុងគោលបំណងដើម្បីលើកទឹកចិត្តដល់សាធារណជនឱ្យជួយគាំទ្រកុមារទាំងអស់នៅក្នុងប្រទេសកម្ពុជាឱ្យសម្រេចបាននូវក្តីស្រមៃសម្រាប់ថ្ងៃអនាគតរបស់ពួកគេ។ ក្នុងពិធីនោះក៏ទទួលបានការចូលរួមពីឯកឧត្តមបណ្ឌិតសភាចារ្យហង់ ជួនណារ៉ុនរដ្ឋមន្ត្រីក្រសួងអប់រំ យុវជន និងកីឡា និងក្រុមកីឡាករមកពីក្លឹបភ្នំពេញក្រោនផងដែរ។ លើសពីនេះទៀតមានសកម្មភាពសប្បាយៗជាច្រើនដូចជាការលេងបាល់ទាត់របស់កុមារជាមួយកីឡាករអាជីព ការអានសៀវភៅកុមារ និងសៀវភៅរឿងជាមួយកុមារ ការតាំងពិព័រណ៍គំនូរកុមារ និងសកម្មភាពជាច្រើនទៀត៕ រូបថត ហេង ជីវ័ន
