ក្រុមហ៊ុន អេស ស៊ីជី ដែលជាក្រុមហ៊ុនឈានមុខគេផ្នែកសម្ភារសំណង់នៅអាស៊ានបានបន្តជួយដល់យុវជនកម្ពុជា ដោយបានបង្កើតនូវកម្មវិធី « អេស ស៊ីជី ចែករំលែកក្តីសុបិន » ឆ្នាំទី ៦ ដែលបានផ្តល់អាហារូបករណ៍ដល់សិស្សចំនួន ២៧០ នាក់មានទឹកប្រាក់សរុបចំនួន 62,000 ដុល្លារជាមួយនឹងបំណងប្រាថ្នាក្នុងការផ្តល់ឱកាសដ៏ល្អប្រសើរសម្រាប់សិស្សដែលមានអាកប្បកិរិយាល្អ និងជួយពួកគាត់ឱ្យសម្រេចនូវបំណងប្រាថ្នាក្នុងការសិក្សារបស់ខ្លួន ។ អេស ស៊ីជី បាន ជួយដល់យុវជនកម្ពុជាចាប់តាំងពីឆ្នាំ ២០១៤ ដែលមកដល់ពេលនេះសរុបជាទឹកប្រាក់លើសពី 250,000 ដុល្លារ ។ កម្មវិធីនេះជាការសហការគ្នារវាង ក្រុមហ៊ុន អេស ស៊ីជី ក្រសួង អប់រំ យុវជន និង កីឡាជាមួយនឹងស្ថានទូតថៃប្រចាំនៅព្រះរាជាណាចក្រកម្ពុជា៕ រូបថត ហេង ជីវ័ន