.jpg)
កាលពីថ្ងៃទី២៦ ខែកក្កដា ឆ្នាំ ២០១៤ Pedro បានរៀបចំកម្មវិធីរដូវកាលស្លឹកឈើជ្រុះប្រចាំឆ្នាំ២០១៤ នៅសាខាទីបួនរបស់ខ្លួនដែលមានទីតាំងនៅផ្សារទំនើប AEON Mall។ ហាងថ្មីនេះ មានភាពទាក់ទាញ ដែលរចនាតុបតែងដោយអំពូលភ្លើងពណ៌ដ៏ស្រស់ស្អាត រួមជាមួយនឹងភ្លេងកំដរសម្រាប់ភ្ញៀវដែលនិយមម៉ូដទាន់សម័យនៅក្នុងក្រុង។ភ្ញៀវប្រមាណជាង២០០នាក់បានអញ្ជើញមកចូលរួមនៅក្នុងពិធី និង ដើរមើលអីវ៉ាន់Pedro ថ្មីៗសម្រាប់រដូវស្លឹកឈើជ្រុះ រួមនឹងការបង្ហាញម៉ូដដោយអ្នកដើរម៉ូដអន្តរជាតិ និងការចូលរួមពីក្រុមតារាខ្មែរល្បីៗជាច្រើនរូប។ ហាង Pedro មាននៅវិថីព្រះសីហនុសាខាT.K Avenue សាខាសៀមរាប និងសាខាAeon Mallដែលមានលក់ស្បែកជើង កាបូបយួរដៃ និង គ្រឿងតុបតែងទាំងអស់ ក្នុងតម្លៃដ៏សមរម្យ។មានភ្ញៀវកិត្តិយសជាច្រើនហើយដែលទទួលបាននូវការសប្បាយរីករាយជាមួយនឹងការបញ្ចុះតម្លៃពិសេស ការបម្រើម្ហូប និងភេសជ្ជៈក្នុងពេលចូលទស្សនា ផលិតផលម៉ូដថ្មីៗ នៅក្នុងហាង៕ រូបថត ហុង មិនា
