​កាលពី​ថ្ងៃ​ព្រហស្បតិ៍ ក្រុមហ៊ុន Tan Chong Motor (Cambodia) Pty Ltd ដែល​ជា​ក្រុមហ៊ុន​បុត្រ​សម្ព័ន្ធ​ពេញលេញ​របស់​​ក្រុមហ៊ុន Tan Chong Motor Holdings Bhd (​ម៉ាឡេស៊ី​) និង​ ជា​​ក្រុមហ៊ុន​​ចែកចាយ​ផ្តាច់​មុខ​រថយន្ត​ នីសា​ន់នៅ​កម្ពុជា ​បាន​រៀបចំ​​ពិធី​​ទទួល​ទាន​​អាហារ​ពេល​​ល្ងាច​ជាមួយ​​ប្រជាជន​ ​ម៉ាឡេស៊ី​ ដែល​កំពុង​ធ្វើការ​នៅ​ក្នុង​​ប្រទេស ​កម្ពុជា​។ ​ឯកអគ្គរាជទូត​ម៉ាឡេស៊ី​ ប្រចាំ​កម្ពុជា ឯកឧត្តម Eldeen Husaini Mohd Hashim គឺជា​​ភ្ញៀវ​ពិសេស​។ ក្រៅ​ពីនោះ មាន​បុគ្គលិក​ស្ថានទូត នាយក​ប្រតិបត្តិ​ក្រុមហ៊ុន Tan Chong និង​​អ្នកសារព័ត៌មាន​ជាច្រើនរូប​ទៀតបាន​ចូលរួម​ក្នុង​ពិធី​នោះ​។ នៅ​ព្រឹក​ថ្ងៃ​ដដែល ឯកអគ្គរាជទូត​ម៉ាឡេស៊ី ក៏បាន​អ​ញ្ចើ​ញ​ទៅ​ទស្សនា​អគារ​តាំង​បង្ហាញ​រថយន្ត​នីសា​ន់ និង​មជ្ឈមណ្ឌល​សេវាកម្ម Aftersales របស់​ក្រុមហ៊ុន Tan Chong Motor នៅក្នុង​រាជធានី​ភ្នំពេញ​ផងដែរ​៕