ភ្នំពេញៈ សណ្ឋាគារសូហ្វីតែល ភ្នំពេញ ភូគីត្រា បាននាំគូស្នេហ៍នៅរាជធានីភ្នំពេញ និងតាមខេត្តទៅជួបទីភ្នាក់ងាររៀបចំអាពាហ៍ពិពាហ៍ដ៏ល្បីល្បាញក្នុងតំបន់ តាមរយៈកម្មវិធី «ពិព័រណ៍ពិធីអាពាហ៍ពិពាហ៍» រយៈពេលពីរថ្ងៃ ចាប់ពីថ្ងៃទី៣០ ដល់៣១ ខែសីហា។
ពិព័រណ៍នេះ មានបង្ហាញ នូវសិល្បៈនៃការរៀបចំពិធីអាពាហ៍ពិពាហ៍ រួមជាមួយសិក្ខាសាលា ការប្រឹក្សាយោបល់ផ្ទាល់ និងការដាក់បង្ហាញស្នាដៃតុបតែងដ៏ប្រណីតៗ របស់ទីភ្នាក់ងាររៀបចំពិធីអាពាហ៍ពិពាហ៍ទាំងក្នុង និងក្រៅប្រទេស។
នេះគឺជាពិព័រណ៍ពិធីអាពាហ៍ពិពាហ៍ប្រណីតថ្នាក់អន្តរជាតិប្រចាំឆ្នាំ នៅព្រះរាជាណាចក្រអច្ឆរិយដែលឆ្លុះបញ្ចាំងឲ្យឃើញនូវចំណាប់អារម្មណ៍ ចំពោះកម្ពុជា ដែលជាទឹកដីនៃភាពផ្អែមល្ហែម៕
អត្ថបទ សេត គឹមសឿន និងរូបថត ហុង មិនា