.jpg)
ភ្នំពេញ៖ ល្ខោនប្រពៃណីហ៊ីរបស់ចិននឹងត្រូវសម្តែងជូនទស្សនាជាសាធារណៈ នៅមជ្ឈមណ្ឌល កោះពេជ្រ ដើម្បីអបអរខួប ៦០ ឆ្នាំ នៃទំនាក់ទំនង មិត្តភាពកម្ពុជា-ចិន ដើម្បីជំរុញ និងពង្រឹងផ្នែកសិល្បៈ និងវប្បធម៌កម្ពុជា-ចិនឲ្យកាន់តែមានភាពប្រសើរឡើង។
បើតាមតំណាងក្រុមហ៊ុន Awesome Global Investment Group ដែលជាអ្នករៀបចំកម្មវិធីនេះបានបញ្ជាក់ថា នៅក្នុងប្រទេសចិន ល្ខោនចិនត្រូវបានគេចាត់ទុកថា ជាត្បូងដ៏មានតម្លៃក្នុងវប្បធម៌របស់ចិន ហើយការជ្រើសរើសយកល្ខោនប្រពៃណីហ៊ីចិនមកសម្តែងនេះគឺដោយសារល្ខោននេះជាប្រភេទល្ខោនចំណាស់ជាងគេ ១ របស់ចិនដែលមានអាយុកាលជិត ២០០ ឆ្នាំមកហើយ ហើយល្ខោននេះក៏ត្រូវបានបញ្ចូលក្នុងបញ្ជីបេតិកភណ្ឌវប្បធម៌អរូបីរបស់ពិភពលោកផងដែរ។
គួរបញ្ជាក់ថាល្ខោនប្រពៃណីហ៊ីរបស់ចិននេះនឹងត្រូវចូលរួមសម្តែងដោយក្រុមល្ខោន Mei Lang Fang មកពីទីក្រុងប៉េកាំងដោយការសម្តែងនឹងចាប់ផ្តើមពីថ្ងៃទី ៨-១០ ខែវិច្ឆិកាខាងមុខនេះនៅមហោស្រពកោះពេជ្រ៕
