.jpg)
យី សាង ត្រូវបានគេទទួលស្គាល់ថាជាភោជនីយដ្ឋានចិនកំពូលមួយនៅទីក្រុងភ្នំពេញ ដែលល្បីល្បាញដោយសារម្ហូបចិនក្វាងទុង ម្ហូបទាខ្វៃចិនក្វាងទុង ស៊ុបដែលប្រើពេលរម្ងាស់យ៉ាងយូរជាមួយថ្នាំចិន ដែលមានរសជាតិឈ្ងុយឆ្ងាញ់ ក៏ដូចជា ឌីមស៊ាំ និងគុយទាវហុងកុង។ នៅភោជនីយដ្ឋាន យី សាង ក្រុមចុងភៅជំនាញឌីមស៊ាំ បានបន្តធ្វើការស្រាវជ្រាវ ហើយច្នៃបាននូវមុខម្ហូប ឌីមស៊ាំ ដែលមានរសជាតិឈ្ងុយឆ្ងាញ់នៅក្នុងបញ្ជីមុខម្ហូបថ្មីរបស់ខ្លួននៅក្នុងខែតុលានេះ ដើម្បីផ្តល់នូវវិមាត្រថ្មីដែលមានច្រើនជម្រើសនៃអាហារពេលព្រឹក និងអាហារថ្ងៃត្រង់ផងដែរ។ ចំណុចលេចធ្លោនៃមុខម្ហូបឌីមស៊ាំថ្មីខ្លះៗនោះគឺ ហាកាវមកុដ ដែលមានបង្គាចំហុយ សាច់ជ្រូក និងបន្លែជាច្រើនមុខលាយបញ្ចូលគ្នា, នំចំហុយបន្លែគ្រប់មុខ “ឆាស៊ីវ” និងនំចំហុយបង្គាក្រៀម និងមុខម្ហូបថ្មីៗដែលគួរឱ្យចាប់អារម្មណ៍ជាច្រើនទៀត។ ឥឡូវនេះអ្នកអាចមានបទពិសោធជាមួយ ឌីមស៊ាំ ប្រកបដោយសិល្បៈ នៅភោជនីយដ្ឋាន ទាំង ៣ ណាមួយរបស់ យី សាង នៅទូទាំងទីតាំងយុទ្ធសាស្ត្ររបស់ទីក្រុង ដូចជានៅតំបន់ពាណិជ្ជកម្មនៃមហាវិថីសុធារស មហាវិថីព្រះស៊ីសុវត្ថិ និងនៅក្នុងតំបន់ទួលគោក។ លើសពីនេះ ឌីមស៊ាំ របស់ យី សាង ក៏មានលក់នៅភោជនីយដ្ឋាន វើល៍ដាយនីង នៅបឹងស្នោ តាមបណ្តោយផ្លូវជាតិលេខ ១ ដ៏មមាញឹក ដែលមានបម្រើជូន ឌីមស៊ាំ ទាំងអាហារពេលព្រឹក និងអាហារថ្ងៃត្រង់៕ photo SUPPLIED
