ក្រុមហ៊ុន Tan Chong Motor (Cambodia) Pty. Ltd. (“TCMC”) មានសេចក្ដីរំភើបរីករាយក្នុងការនាំចូលនូវ «រថយន្តប្រភេទ Sedan ដែលលក់ដាច់បំផុតនោះគឺរថយន្តនីស្សាន់ Almera ។ នីស្សាន់ Alemra ជារថយន្ត Sedan ដែលបានបំពាក់មកគ្រប់នូវបច្ចេកវិទ្យាទំនើបចុងក្រោយបំផុតជាមួយនឹងប្រព័ន្ធបច្ចេកវិទ្យាដ៏វៃឆ្លាត ដើម្បីបំពេញនូវតម្រូវការរបស់អតិថិជននាពេលបច្ចុប្បន្ននេះ។ TCMC គឺជាក្រុមហ៊ុនលក់ និងចែកចាយផ្ដាច់មុខជាផ្លូវការនូវរថយន្តនីស្សាន់ (Nissan) ក្នុងព្រះរាជាណាចក្រកម្ពុជា និងជាបុត្រសម្ព័ន្ធនៃក្រុមហ៊ុន Tan Chong Motor Holdings Berhad (ប្រទេសម៉ាឡេស៊ី) បាននាំចូលនូវរថយន្តជាច្រើនជម្រើសសម្រាប់អតិថិជន ចាប់តាំងពីក្រុមហ៊ុនបានឈានជើងចូលក្នុងព្រះរាជាណាចក្រ កម្ពុជាអស់រយៈពេល 7 ឆ្នាំមកនេះ ខណៈទីផ្សារកាន់តែរីកចម្រើន តម្រូវការប្រើប្រាស់រថយន្តក៏បានកើនឡើង។ ដោយត្រូវបានដាក់លក់លើកដំបូងក្នុងឆ្នាំ ១៩៦៦ ម៉ាក Sunny និងងាកត្រឡប់ទៅ ៥៥ ឆ្នាំមុន រថយន្តនីស្សាន់ទទួលបានការគាំទ្រយ៉ាងខ្លាំងពីអតិថិជន ដោយសារតែវាមានគុណភាពខ្ពស់ បំពាក់ដោយបច្ចេកវិទ្យាទំនើប និងពោរពេញដោយការច្នៃប្រឌិតខ្ពស់ ហើយដើម្បីឆ្លើយតបទៅនឹងតម្រូវការរបស់អតិថិជន ក្រុមហ៊ុន Tan Chong Motor Cambodia សូមណែនាំអំពីប្រវត្តិដ៏យូរលង់របស់ខ្លួនដូចខាងក្រោម៖