ក្រុមហ៊ុន Tan Chong Motor Cambodia ដែលជាក្រុមហ៊ុនលក់ និងចែកចាយផ្ដាច់មុខជាផ្លូវការនូវរថយន្តនីស្សាន់ (Nissan) នៅក្នុងព្រះរាជាណាចក្រកម្ពុជា និងជាបុត្រសម្ព័ន្ធនៃក្រុមហ៊ុន Tan Chong Motor Holdings Berhad (ប្រទេសម៉ាឡេស៊ី) រីករាយក្នុងការប្រកាសអំពីការចេញលក់ជាផ្លូវការនូវរថយន្តនីស្សាន់ ថេរ៉ា (Nissan Terra) ស៊េរីថ្មី ក្នុងរយៈពេលប៉ុន្មានសប្ដាហ៍ខាងមុខនេះ។ រថយន្តនីស្សាន់ Terra ជាប្រភេទរថយន្ត SUV ស័ក្តិសមឥតខ្ចោះសម្រាប់ការប្រើប្រាស់ជាលក្ខណៈគ្រួសារដែលមានភាពទំនើប ភាពទាន់សម័យរួមជាមួយនឹងប្រណីតភាព។ រថយន្តនីស្សាន់ Terra ត្រូវបានបង្កើតឡើងជាង 60 ឆ្នាំមកហើយរួមគ្នាជាមួយនឹងម៉ាក Nissan Patrol, Nissan Safari, Nissan Terrano និង Nissan Xterra ដែលជាកេរដំណែលនៃត្រកូលរថយន្ត SUV របស់នីស្សាន់។ រថយន្តនីស្សាន់ TERRA ស៊េរីថ្មីមានប៉ាណាមុខកាន់តែធំរាងជាអក្សរ V ភ្លឺរលើបរលោងជាមួយនឹងផ្នែកខាងក្នុងប្រកបដោយគុណភាពខ្ពស់តាមកម្រិតស្ដង់ដា។ TERRA ជារថយន្តដែលសន្សំសំចៃប្រេងដ៏ល្អ ការបន្ថែមល្បឿនសន្ទុះបានល្អបំផុត ការផ្ដល់នូវផាសុកភាពដ៏ប្រណីត បច្ចេកវិទ្យាដ៏ទំនើបវៃឆ្លាតរួមជាមួយនឹងប្រព័ន្ធសុវត្ថិភាពទ្វេដង ដែលបង្កើននូវទំនុកចិត្ត និងរីករាយក្នុងការបើកបរ ហើយរឹតតែពិសេសជាមួយតម្លៃដែលអតិថិជនអាចទទួលយកបាន។