ក្រុមហ៊ុន តាន់ចុងម៉ូធ័រ ខេមបូឌា ភីធីវ៉ាយ អិលធីឌី (Tan Chong Motor (Cambodia) Pty. Ltd. (“TCMC”), ដែលជាក្រុមហ៊ុនលក់ និងចែកចាយផ្ដាច់មុខនូវរថយន្តនីសាន់ ក្នុងព្រះរាជាណាចក្រកម្ពុជា និងជាបុត្រសម្ព័ន្ធនៃក្រុមហ៊ុន Tan Chong Motor Holdings Berhad (ប្រទេសម៉ាឡេស៊ី) កាលពីសប្តាហ៍មុនបាននាំមកនូវរថយន្តស៊េរីថ្មី Nissan TERRA និង Nissan ALMERA ចូលក្នុងទីផ្សារប្រទេសកម្ពុជា។ តាមរយៈការសម្ពោធនេះ ក្រុមហ៊ុនតាន់ចុង បាននាំមកនូវរថយន្តប្រភេទ SUV ដែលរចនាឡើងជាមួយនិងភាពស៊ីវិល័យ ទំនើប និង ពោរពេញដោយផាសុកភាព រូបរាងល្អស្រស់ដែលអាចធ្វើឱ្យអ្នកបើកបរមានមោទកភាព រួមជាមួយនិងបច្ចេកវិទ្យាវ័យឆ្លាត ដែលឆ្លើយតបគ្រប់តម្រូវការរបស់អតិថិជនរថយន្តនីសាន់ ជាពិសេសក្រុមគ្រួសារវ័យក្មេង និងគ្រួសារអភិជន។ លោក ហួត គឹមម៉េង នាយកគ្រប់គ្រងជាន់ខ្ពស់នៃក្រុមហ៊ុន តាន់ចុង ម៉ូទ័រ ខេមបូឌា ប្រចាំប្រទេសកម្ពុជាបានមានប្រសាសន៍ថា៖ «យើងពិតជាមានមោទកភាពក្រៃលែងដែលបាននាំរថយន្តស៊េរីថ្មីទាំង ២ ម៉ូឌែលនេះចូលក្នុងទីផ្សារប្រទេសកម្ពុជា។ រថយន្តនីសាន់ស៊េរីថ្មីទាំង ២ ម៉ូឌែលនេះមានលក្ខណៈប្រកួតប្រជេង សន្សំសំចៃប្រេងឥន្ធនៈបានច្រើនបង្កើនល្បឿនបានលឿនមានផាសុកភាព បំពាក់មកជាមួយបច្ចេកវិទ្យាដ៏ទំនើបវៃឆ្លាត មានសុវត្ថិភាព ប្រណិតភាព និងការបើកបរដែលប្រកបដោយភាពរីករាយ និងមានទំនុកចិត្ត»។
រថយន្តម៉ូដែលថ្មីនីសាន់ Almera ត្រូវបានរចនាឡើងជាមួយ និងភាពស៊ីវិល័យ ទំនើប និង ពោរពេញដោយផាសុកភាព រូបរាងល្អស្រស់ដែលអាចធ្វើឱ្យអ្នកបើកបរមានមោទកភាពរួមជាមួយ និងបច្ចេកវិទ្យាវ័យឆ្លាតដែលឆ្លើយតបគ្រប់តម្រូវការរបស់អតិថិជនរថយន្តនីសាន់ ជាពិសេសក្រុមគ្រួសារវ័យក្មេង និងគ្រួសារអភិជន។ រថយន្តនីសាន់ Terra ស៊េរីថ្មីជារថយន្តប្រភេទ SUV សម្រាប់គ្រួសារមាន ៧ កៅអី កាន់តែទំនើប ប្រព័ន្ធការពារសុវត្ថិភាពល្អផ្ដាច់គេ ផ្ដល់ការកម្សាន្ត និង ភាពទំនើបដ៏សម្បូរបែបសម្រាប់គ្រួសារនៃប្រជាពលរដ្ឋកម្ពុជា។ ខាងក្នុងមានភាពស្រស់ស្អាតប្រកបដោយបរិក្ខាទំនើបៗកាន់តែទាក់ទាញ៕ រូបថត សហការី