ដើម្បីរួមចំណែកក្នុងការប្រយុទ្ធប្រឆាំងនឹងជំងឺកូវីដ ១៩ ក្នុងសហគមន៍នៃប្រទេសកម្ពុជានៅក្នុងខែវិច្ឆិកា ឆ្នាំ ២០២១ គ្រឹះស្ថានមីក្រូហិរញ្ញវត្ថុ ណុងហឹប ហ្វាយនែន បានផ្តល់ជូនសម្ភារមួយចំនួនដូចជា ម៉ាស់ចំនួន ២២,៥០០ ម៉ាស់ អាល់កុលចំនួន ៥៤០ លីត្រ ជេលសម្លាប់មេរោគចំនួន ៩០ ដប រួមជាមួយនឹងថវិការមួយចំនួនដល់សាលាឃុំចំនួន ១៥ ដែលស្ថិតក្នុងខេត្តកំពង់ធំ និងខេត្តព្រះសីហនុ។ ណុងហឹប ហ្វាយនែន គឺជាក្រុមហ៊ុនបុត្រសម្ព័ន្ធនៃធនាគារ ណុងហឹប នៃសាធារណៈរដ្ឋកូរ៉េ ហើយបច្ចុប្បន្ន ណុងហឹប ហ្វាយនែន កំពុងធ្វើប្រតិបត្តិការនៅរាជធានីភ្នំពេញ និងខេត្តចំនួន ១១ គឺ ខេត្តកណ្តាល កំពង់ស្ពឺ តាកែវ កំពត កែប ព្រះសីហនុ កំពង់ធំ សៀមរាប ព្រៃវែង ស្វាយរៀង និងកំពង់ចាម ដើម្បីផ្តល់ជូនផលិតផល និងសេវាកម្មហិរញ្ញវត្ថុដល់ប្រជាជនកម្ពុជា។ លើសពីនេះទៀត ណុងហឹប ហ្វាយនែន មិនត្រឹមតែផ្តល់នូវផលិតផលហិរញ្ញវត្ថុប៉ុណ្ណោះទេ ថែមទាំងបានចូលរួមក្នុងកម្មវិធីជួយសង្គមជាច្រើនផងដែរ ក្នុងនោះរួមមានការបណ្តុះបណ្តាលកសិកម្ម ការបណ្តុះបណ្តាលការគ្រប់គ្រងហិរញ្ញវត្ថុគ្រួសារ ការវេចខ្ចប់ចំណីអាហារ និងសកម្មភាពសង្គមផ្សេងៗទៀតដែលជាការចូលរួមចំណែកក្នុងការអភិវឌ្ឍសង្គម និងសេដ្ឋកិច្ចប្រជាជនកម្ពុជា ជាពិសេសក្នុងការចូលរួមយ៉ាងសកម្មក្នុងការទប់ស្កាត់ការរីករាលដាលនៃជំងឺកូវីដ ១៩ ជាមួយរាជរដ្ឋាភិបាលកម្ពុជា នាពេលបច្ចុប្បន្ននេះ៕ រូបថត សហការី