.jpg)
ផ្លូវជាតិលេខ ៥ ដែលជាផ្លូវតភ្ជាប់រវាងប្រទេសសមាជិកអាស៊ានជាមួយប្រទេសកម្ពុជា ត្រូវបានរាជរដ្ឋាភិបាលដាក់ក្នុងផែនការអភិវឌ្ឍន៍ជាអាទិភាព។ ដូច្នេះស្ថាប័នរដ្ឋ និងស្ថាប័នឯកជនជាច្រើនត្រូវបានផ្លាស់ប្តូរទីតាំងព្រមទាំងបង្កើតថ្មីនៅលើតំបន់សក្តានុពលសេដ្ឋកិច្ចមួយចំនួនជាពិសេស គឺផ្លូវជាតិលេខ ៥ ស្ថិតនៅទិសខាងជើងរាជធានីភ្នំពេញ ដើម្បីឆ្លើយតបទៅនឹងកំណើនប្រជាជនក្នុងទីក្រុងដែលកំពុងតែកើនឡើងជារៀងរាល់ឆ្នាំ។
ទន្ទឹមនឹងនេះការរីកចម្រើន និងតម្រូវការនៃភាពសម្បូរបែបរបស់ប្រជាជនបានធ្វើឱ្យវិស័យអចលនទ្រព្យនៅតែមានការប្រកួតប្រជែងយ៉ាងខ្លាំង ដោយក្នុងនោះក៏មានក្រុមហ៊ុន ហនុមាន អ៊ីស្ទេត (Hanuman Estate) ជាក្រុមហ៊ុនអភិវឌ្ឍន៍គម្រោងក្នុងវិស័យអចលនទ្រព្យថ្មីមួយបាននឹងកំពុងរៀបចំអភិវឌ្ឍគម្រោងដឹ អាណាចក្រ (The Anajak) ស្ថិតនៅបណ្តាយផ្លូវជាតិលេខ ៥ ផ្ទាល់តែម្តង ដែលមានទំហំផ្ទៃដីជាង ៣០០ ហិកតា សង្កាត់ព្រែកព្នៅ រាជធានីភ្នំពេញ បែរទៅរកទន្លេសាប។
គួរបញ្ជាក់ផងដែរថា ហនុមាន អ៊ីស្ទេត (Hanuman Estate) ត្រូវបានបង្កើតឡើងដោយស្ថាបនិកអ្នកជំនួញស្ត្រីដ៏ល្បីល្បាញមួយរូបដែលមានបទពិសោធន៍ក្នុងការដឹកនាំ និងវិនិយោគវិស័យសំណង់ និងអចលនទ្រព្យជាង ១៥ ឆ្នាំ គឺលោកជំទាវ ខៀវ សស៊ីលៀប ដែលលោកជំទាវក៏ជាស្ថាបនិករបស់ ហនុមាន ប៊ែវើរីជីស (Hanuman Beverages) ផងដែរ។
ចក្ខុវិស័យដ៏វែងឆ្ងាយរបស់ក្រុមហ៊ុន ហនុមាន អ៊ីស្ទេត គឺចង់ក្លាយជាក្រុមហ៊ុនអភិវឌ្ឍន៍គម្រោងឈានមុខគេ ដែលត្រូវបានទទួលស្គាល់យ៉ាងទូលំទូលាយនៅប្រទេសកម្ពុជា តាមរយៈគំនិតស្នាដៃក្នុងការអភិវឌ្ឍបរិបទនៃការរស់នៅក្នុងគម្រោងរបស់ខ្លួន ប្រកបដោយស្ដង់ដារខ្ពស់ ព្រមទាំងគុណតម្លៃ និងគុណភាពនៃសំណង់។ តាមរយៈបេសកកម្មក្នុងការវិនិយោគលើវិស័យអចលនវត្ថុ សាងសង់លំនៅឋាននឹងផ្តួចផ្តើមក្នុងការប្រែមុខមាត់ថ្មីនៅក្នុងទីក្រុង ដើម្បីឆ្ពោះទៅរកឧត្តមភាពនៃអនាគតរបស់កម្ពុជា។
គម្រោង ដឹ អាណាចក្រ របស់ក្រុមហ៊ុន ហនុមាន អ៊ីស្ទេត គឺជាគម្រោងទី ១ ដែលបង្កើតឡើងដោយរួមបញ្ចូលគំនិតច្នៃប្រឌិតខ្ពស់ពីក្រុមអ្នកបច្ចេកទេសជាតិ និងអន្តរជាតិព្រមទាំងបន្ថែមនូវបរិបទនៃការរស់នៅថ្មីៗតាមសម័យកាលចុងក្រោយ។ ក្រោមគំនិតផ្តួចផ្តើម និងការប្តេជ្ញាចិត្តខ្ពស់របស់យើង ហនុមាន អ៊ីស្ទេត មិនត្រឹមតែសាងសង់នូវផ្ទះប៉ុណ្ណោះទេ យើងនឹងសាងសង់នូវលំនៅឋានប្រកបដោយបរិយាកាសសុខដុមរមនាសម្រាប់ក្រុមគ្រួសារ និងមិត្តភ័ក្តិបានជួបជុំគ្នា ដែលជាកន្លែងរស់នៅប្រកបដោយសុភមង្គល។
គម្រោង ដឹ អាណាចក្រ បានរៀបចំផែនការសាងសង់ហេដ្ឋារចនាសម្ព័ន្ធដ៏ល្អឥតខ្ចោះ រួមជាមួយរចនាបទនៃសួនច្បារដ៏ធំៗស្រស់ស្អាតជាច្រើនកន្លែងក្នុងនោះមានផ្លូវទំហំដល់ទៅ ៣៤ ម៉ែត្រមានផ្លូវសម្រាប់ជិះកង់ និងទីធ្លាធ្វើលំហាត់ប្រាណដ៏ធំទូលាយ អមដោយទេសភាពធម្មជាតិនៃព្រែកតាទែន ដែលបង្កើតបានជាជីវិតរស់នៅមួយពោរពេញទៅដោយផាសុខភាពផ្លូវចិត្ត និងសុវត្ថិភាពផ្លូវកាយ។ លើសពីនេះ គម្រោង ដឹ អាណាចក្ររបស់ក្រុមហ៊ុន ហនុមាន អ៊ីស្ទេត នេះក៏មានមានវីឡាទោលទំនើប និងប្រណិត ផ្ទះភ្លោះ អគារពាណិជ្ជកម្មផ្ទះអាជីវកម្មជាច្រើនប្រភេទសម្រាប់បង្កើតសហគមន៍រស់នៅចម្រុះ។
បទពិសោធន៍រស់នៅថ្មីដ៏ល្អដែលកម្រមានបែបនេះនឹងមាននៅតាមបណ្តោយផ្លូវជាតិលេខ ៥ ក្នុងគម្រោង ដឹ អាណាចក្រ ដែលអភិវឌ្ឍន៍ដោយ ហនុមាន អ៊ីស្ទេត (The ANAJAK by Hanuman Estate) ហើយនឹងចាប់បើកលក់ក្នុងពេលឆាប់ៗនេះ!
សម្រាប់ព័ត៌មានបន្ថែមសូមទំនាក់ទំនងតាមរយៈលេខទូរស័ព្ទ៖ ០៩៥/ ០៩៨ ៣៣៩ ៣៣៩៕
