សភាពាណិជ្ជកម្ម​អាមេរិក​នៅ​កម្ពុជា (AmCham) កាលពី​ថ្ងៃ​អង្គារ​សប្តាហ៍​មុន​បានរៀបចំ​ពិធី​ប្រគល់​ពាន​ឧត្តមភាព​ការទទួល​ខុសត្រូវ​សង្គម (CSR Excellence Awards 2021) នៅ​សណ្ឋាគារ Raffles Hotel Le Royal ក្នុង​រាជធានី​ភ្នំពេញ ដើម្បី​ផ្តល់​កិត្តិយស​ដល់​សមាជិក ចំពោះ​ការខិតខំ​ប្រឹងប្រែង​គួរឱ្យកត់សម្គាល់​របស់​ពួកគេ​ក្នុង​ការជួយ​ដល់​សង្គម​។ ជាមួយនឹង​ជំងឺ​រាតត្បាត​ដែល​នាំមក​នូវ​ការលំបាក​ដែល​មិន​ធ្លាប់មាន​នៅក្នុង​ឆ្នាំនេះ និង​បញ្ហា​ប្រឈម​ផ្សេងទៀត សមាជិក AmCham ចំនួន​ ១៨ ត្រូវ​បានផ្តល់​កិត្តិយស​ចំពោះ​ការខិតខំ​ប្រឹងប្រែង​លើ​កិច្ចការ​ទទួល​ខុសត្រូវ​សង្គម (CSR) របស់​ពួកគេ ជាពិសេស​ក្នុង​ការប្រយុទ្ធប្រឆាំង​ជំងឺ​កូវីដ​ ១៩ ក៏ដូចជា​ផលប៉ះពាល់​បរិស្ថាន​ និង​សង្គម​។ ការផ្តល់​ពានរង្វាន់​នេះ​ត្រូវបាន​ប្រគល់ជូន​ក្រុមហ៊ុន Wing, Cellcard និង Hyatt Regency ជាពិសេស សម្រាប់​ការរួមចំណែក​ដ៏ខ្លាំងក្លា​របស់​ពួកគេ ជាពិសេស​នៅក្នុង​ផ្នែក​ទាំងនេះ​។ លោក Anthony Galliano ប្រធាន AmCham នៅក្នុង​សុន្ទរកថា​របស់​លោក​បាន​ថ្លែងថា​៖ «​ជាមួយ CSR យើង​ត្រូវតែ​ទទួលស្គាល់​អំពី​សារៈសំខាន់​នៃ​ការផ្តល់​ត្រឡប់​ទៅ​កន្លែង​ដែល​យើង​ធ្វើ​អាជីវកម្ម​។ យើង​មិនមែន​នៅទីនេះ​ដើម្បី​តែ​រកប្រាក់​ចំណេញ​នោះទេ ប៉ុន្តែ​យើង​នៅក្នុង​ប្រទេស​ដែល​ស្វាគមន៍​យើង ហើយ​យើង​ត្រូវ​ផ្តល់​ត្រឡប់​ទៅវិញ​។ មាន​អត្ថប្រយោជន៍​ជាច្រើន​ចំពោះ​ការធ្វើ​អាជីវកម្ម​នៅក្នុង​ប្រទេស​នេះ ហើយ​ខ្ញុំ​គិតថា យើង​គួរតែ​ព្យាយាម​មើលខ្លួន​ឯង​ក្នុង​នាម​ជា "​ពលរដ្ឋ​ខាង​ស្មារតី​" ទោះបីជា​យើង​ជា​ជនបរទេស​ក៏ដោយ​។ ទោះបីជា​យើង​មិនមែន​ជា​ពលរដ្ឋ​នៃ​ប្រទេស​នេះ​ក៏ដោយ ក៏​យើង​គួរតែមាន​ស្មារតី​ដើម្បី​តបស្នង​ឱ្យ​ដូចជា​ពលរដ្ឋ​ដែរ​»៕ photos Joe Curtin