និយ័តករមូលបត្រកម្ពុជា (ន.ម.ក.) និងក្រុមហ៊ុន ផូស មេឌា (Post Media) កាលពីថ្ងៃពុធបានបន្តពង្រឹងភាពជាដៃគូ ដើម្បីរួមគ្នាបង្ហាញចំណេះដឹងទីផ្សារមូលបត្រដែលកំពុងរីកចម្រើននៅក្នុងព្រះរាជាណាចក្រកម្ពុជា។ ឯកឧត្តម ស៊ូ សុជាតិ អគ្គនាយកនៃ ន.ម.ក. និងលោក លី តៃសេង ចាងហ្វាង និងអគ្គនាយកក្រុមហ៊ុន ផូស មេឌា បានពិភាក្សាកិច្ចការមួយចំនួនដែលធ្វើឱ្យភាពជាដៃគូនេះកាន់តែរឹងមាំ ដែលត្រូវបានបង្កើតឡើងក្រោមអនុស្សរណៈនៃការយោគយល់គ្នា ដែលត្រូវបានចុះហត្ថលេខាកាលពីខែឧសភា ឆ្នាំមុន។ ភាគីទាំង ២ បានបង្កើត និងបោះពុម្ពផ្សាយដោយជោគជ័យនូវអត្ថបទជាច្រើនដែលទាក់ទងនឹងវិស័យដែលមានសារៈសំខាន់ចំពោះកំណើនសេដ្ឋកិច្ចរបស់កម្ពុជានេះ។ បន្ទាប់ពីបញ្ចប់ការពិភាក្សារយៈពេល ១ ម៉ោង ឯកឧត្តម ស៊ូ សុជាតិ បានប្រគល់លិខិតថ្លែងអំណរគុណជូនចំពោះលោក លី តៃសេង សម្រាប់កិច្ចសហការ និងគាំទ្រ ក្នុងការចូលរួមផ្សព្វផ្សាយអត្ថបទអប់រំពាក់ព័ន្ធនឹងវិស័យមូលបត្រនៅកម្ពុជាក្នុងទំព័រកាសែតភ្នំពេញ ប៉ុស្តិ៍៕ រូបថត ហ៊ាន រង្សី