ធនាគារ ពាណិជ្ជ ឈីហ្វ (ខេមបូឌា) ម .ក កាលពីថ្ងៃទី ១៥ វិច្ឆិកា ឆ្នាំ ២០២១ បានបើកសន្និសីទសារព័ត៌មានស្តីអំពី កម្មវិធីប្រាក់កម្ចីខ្នាតតូចតាមប្រព័ន្ធឌីជីថល (កម្ចីតាមរយៈទូរស័ព្ទដៃ) ហៅថា «Chief Easy» នៅសាខាធនាគារ ឈីហ្វ ច្បារអំពៅ ក្នុងខណ្ឌច្បារអំពៅ។ បណ្ឌិត សឿង ម៉ូរ៉ារិទ្ធ ប្រធាននាយកប្រតិបត្តិ ធនាគារ ពាណិជ្ជ ឈីហ្វ បានបញ្ជាក់ថា ការបង្កើតឡើងនូវផលិតផលថ្មីនេះ គឺដើម្បីផ្តល់ឱកាសដល់ប្រជាពលរដ្ឋកម្ពុជាអាចស្នើសុំកម្ចីឥណទានខា្នតតូចបំផុតរហ័ស និងមានសុវត្ថិភាពពីធនាគារពាណិជ្ជឈីហ្វ ដោយប្រើពេលត្រឹមរយៈពេលតែ ១៥ នាទីប៉ុណ្ណោះតាមទូរស័ព្ទដៃ។ វានឹងសម្រួលដល់អតិថិជនក្នុងការ ស្នើសុំកម្ចីបានគ្រប់កន្លែង គ្រប់ពេលវេលា មិនថានៅកន្លែងធ្វើការងារ នៅផ្ទះ ឬនៅកន្លែងណាក៏ដោយ គឺគ្រាន់តែមានកម្មវិធី App Chief Easy ក្នុងទូរស័ព្ទដៃរបស់លោកអ្នកជាការស្រេច។
កម្មវិធីផ្តល់ប្រាក់កម្ចីរហ័សនេះអាចផ្តល់ប្រាក់កម្ចីបានរហូតដល់ ១ ០០០ ដុល្លារហើយប្រជាពលរដ្ឋទូទៅអាចស្នើសុំបានពីគ្រប់មជ្ឈដ្ឋាន មិនថាអាជីវករ សិស្ស និស្សិត និងបុគ្គលិកជាដើម។ ការស្នើសុំកម្ចីបែបឌីជីថលនេះ គឺពិតជាងាយស្រួល និងរហ័សមែនទែន៕ photos SUPPLIED
