Tommy Hilfiger ជាម៉ាកមួយរបស់ក្រុមហ៊ុន PVH Corp បានប្រកាសបើកដំណើរការហាង TOMMY HILFIGER ដំបូងនៅទីក្រុងភ្នំពេញ ប្រទេសកម្ពុជានាថ្ងៃទី ៣០ ខែធ្នូ ឆ្នាំ ២០២១។ មានទីតាំងស្ថិតនៅមហាវិថីសម្តេចសុធារស ក្នុងផ្សារទំនើបអ៊ីអនម៉លភ្នំពេញ ជាន់ផ្ទាល់ដី ដែលជាផ្សារទំនើបឯកទេសកំពុងអភិវឌ្ឍន៍ឈានមុខគេក្នុងទីផ្សារអាស៊ី។ ហាងដែលមានទំហំ ១៧៤៤ ហ្វីតការ៉េ ជាមួយនឹងផ្ទៃលក់ជាង ១ ៥២៨ ហ្វីតការ៉េ បានឆ្លុះបញ្ចាំងពីគំនិតរចនាហាងជាសកលរបស់ Tommy Hilfiger យ៉ាងប្រណីត ទាន់សម័យ និងសោភណភាពភ្លឺស្រស់ស្រាយ ដែលបញ្ជាក់ពីនិមិត្តសញ្ញាតំណាងកេរ្តិ៍ឈ្មោះជាយូរលង់របស់ម៉ាកយីហោ។ ហាង TOMMY HILFIGER មានលក់នូវសម្លៀកបំពាក់បែបកីឡាជាច្រើនប្រភេទដែលជាខូលិកសិនរដូវស្លឹកឈើជ្រុះ Fall 2021 រួមមានសម្លៀកបំពាក់ ស្បែកជើង និងគ្រឿងតុបតែងលម្អបុរស និងនារីជាច្រើនទៀត បូករួមទាំងទំនិញដែលផលិតដោយប្រើវិធីសាស្ត្រថ្មី និងវត្ថុធាតុដើមដែលធន់អាចប្រើប្រាស់បានយូរជាងមុន រួមទាំងកប្បាសសរីរាង្គ ១០០%។ រហូតមកដល់ពេលនេះ TOMMY HILFIGER មានហាងសរុបជាង ២ ០០០ នៅជាង ១០០ ប្រទេសជុំវិញពិភពលោក។ សូម Follow ពួកយើងតាមរយៈ Facebook, Instagram, Twitter និង LinkedIn៕ photos SUPPLIED