ក្រុមហ៊ុន SchneiTec Group ដែលជាក្រុមហ៊ុនផលិតថាមពលកកើតឡើងវិញដ៏ធំ និងឈានមុខគេក្នុងប្រទេសកម្ពុជា កាលពីថ្ងៃទី ១ ខែមករា ឆ្នាំ ២០២២ បានប្រកាសថា ខ្លួនកំពុងធ្វើការជាមួយក្រុមហ៊ុន Huawei Technologies (Cambodia) សម្រាប់ការចែកចាយផលិតផល និងដំណោះស្រាយ Huawei Digital Power រួមទាំង Smart PV inverter ដែលជាផលិតផលស្តុកថាមពលឆ្លាតវៃ និងគ្រឿងបរិក្ខារបន្ថែមផ្សេងៗទៀត សម្រាប់លំនៅឋាន ពាណិជ្ជកម្ម និងឧស្សាហកម្មដែលប្រើប្រាស់ដំបូលពន្លីព្រះអាទិត្យ (សូឡា)។ កិច្ចសហប្រតិបត្តិការនេះនឹងជួយបំពេញបន្ថែមយ៉ាងសំខាន់ដល់សមត្ថភាពនៃការផលិតថាមពលកកើតឡើងវិញ ដែលកំពុងរីកចម្រើនយ៉ាងឆាប់រហ័សនៅកម្ពុជា ហើយក៏នឹងចូលរួមចំណែកបន្ថែមទៀតដល់ការអភិវឌ្ឍថាមពលបៃតងដ៏ធំ និងតម្រូវការអគ្គិសនីស្អាតនៅក្នុងឧស្សាហកម្មក៏ដូចជាការលើកកម្ពស់របៀបរស់នៅប្រកបដោយផាសុកភាព ដែលមិនប៉ះពាល់ដល់បរិស្ថានសម្រាប់អ្នកប្រើប្រាស់នៅក្នុងលំនៅឋានផងដែរ។ ភាគីទាំង ២ បាននិងកំពុងសហការគ្នាដើម្បីអភិវឌ្ឍទីតាំងផលិតថាមពលពន្លឺព្រះអាទិត្យ (សូឡា) ជាច្រើនកន្លែងនៅក្នុងព្រះរាជាណាចក្រកម្ពុជាដ៏ជោគជ័យ រួមទាំងទីតាំងផលិតសូឡាដ៏ធំបំផុតមួយកន្លែងនៅក្នុងខេត្តកំពង់ស្ពឺផងដែរ។ ការងារនេះបានជួយពន្លឿនដល់ការបង្កើតថាមពលស្អាតនៅក្នុងបណ្តាញផ្គត់ផ្គង់ថាមពលរបស់ប្រទេសជាតិ៕ photos SUPPLIED