បុគ្គលិកកាសែតភ្នំពេញ ប៉ុស្តិ៍ កាលពីចុងខែធ្នូកន្លងទៅ បានជួបជុំរៀបចំពិធីជប់លៀងប្រចាំឆ្នាំ ដើម្បីស្វាគមន៍ឆ្នាំថ្មីដ៏រីករាយ ដោយក្នុងពិធីជប់លៀងដ៏អធិកអធមនោះមានអាហារ និងភេសជ្ជៈដ៏ឈ្ងុយឆ្ងាញ់ ក៏ដូចជាការរាំលេងកម្សាន្តដ៏សប្បាយរីករាយផងដែរ។ ខណៈឆ្នាំចាស់កំពុងកន្លងផុតទៅ គ្រប់គ្នាក៏កំពុងទន្ទឹងរង់ចាំស្វាគមន៍ឆ្នាំថ្មី ដើម្បីចាប់ផ្តើមអ្វីៗថ្មី និងដើម្បីជោគជ័យនៅក្នុងឆ្នាំថ្មីជាបន្តទៀត។ ជាពិសេសវាក៏ជាការជួបជុំមួយដ៏សំខាន់ផងដែរ ដោយសារតែវិធានការគម្លាតសង្គម ដែលបណ្តាលមកពីវិបត្តិជំងឺកូវីដ ១៩ ធ្វើឱ្យពិធីជួបជុំបុគ្គលិកដែលមានមនុស្សចូលរួមច្រើនត្រូវបានផ្អាកជិត ២ ឆ្នាំមកហើយ។ លើសពីនេះ កាសែតភ្នំពេញ ប៉ុស្តិ៍ សូមថ្លែងអំណរគុណដល់ក្រុមហ៊ុនស្រាបៀរ ហនុមាន ដែលបានឧបត្ថម្ភ ស្រាបៀរ ហនុមាន ដ៏ឈ្ងុយឆ្ងាញ់សម្រាប់កម្មវិធីជប់លៀងដ៏រីករាយនេះ៕ photos Hean rangsey, apdoulRashim