សិស្សានុសិស្ស​ប្រហែល ៣ ០០០ នាក់ មកពី​សាលា​រដ្ឋ និង​ឯកជន​បាន​ចូលរួម​កម្មវិធី ប្រកួតប្រជែង​គណិតវិទ្យា​ដ៏ធំ​បំផុត​មួយ​នៅក្នុង​ព្រះរាជាណាចក្រ​កម្ពុជា​គឺ​កម្មវិធី​ប្រកួតប្រជែង​គណិតវិទ្យា​អង្គរ Angkor Math Competition 2021 ដែល​រៀបចំ​ដោយ​ក្រុមហ៊ុន Bright Education Consultant​។ សិស្សានុសិស្ស​ជិត ​៥០០ នាក់​បាន​ចូលរួម​ប្រកួតប្រជែង​ក្នុង​វគ្គ​ផ្តាច់ព្រ័ត្រ ដែល​ត្រូវធ្វើឡើង​នៅ​សាលា​អន្តរជាតិ Singapore Cambodia International Academy កាលពី​ថ្ងៃទី​ ១៥ ខែមករា ដែល​ត្រូវបាន​ធ្វើឡើង​ដើម្បី​ជ្រើសរើស​ជំនាញ​គណិតវិទ្យា​ក្នុង​​ចំណោម​សិស្ស​ពី​ថ្នាក់​ទី​ ៥ ដល់ទី​ ១២​។ សិស្សានុសិស្ស​មកពី​សាលា​រដ្ឋ​ចំនួន​ ១៣ និង​ស្ថាប័នឯកជន​ចំនួន​ ៩ បាន​ចូលរួម​ក្នុងការ​ប្រកួតប្រជែង​នេះ​។ ត្រូវបាន​បង្កើតឡើង​ក្នុង​ឆ្នាំ​ ២០១៨ ក្រុមហ៊ុន Bright Education Consultant បានរៀបចំ​ព្រឹត្តិការណ៍​នេះ ដើម្បី​លើកទឹកចិត្ត​សិស្ស​ឱ្យ​សិក្សា​ និង​ពូកែ​ខាងមុខ​វិជ្ជា​គណិតវិទ្យា និង​ការគិត​ត្រិះរិះ​ពិចារណា (critical thinking)​។ ក្រសួង​អប់រំ យុវជន និង​កីឡា រួមជាមួយ​នាយក​សាលា​ដែលមាន​សិស្ស​ចូលរួម​មាន​វត្តមាន​ដើម្បី​គាំទ្រ និង​ចែក​រង្វាន់​ដល់​ជយលាភី ខណៈ​សាកលវិទ្យាល័យ​ផារ៉ាហ្គន បានផ្តល់​អាហារូបករណ៍​ដល់​ជយលាភី​កំពូល​ទាំង​ ១០ ដល់​សិស្ស​ទី​ ១១ និង​ទី ​១២៕