.jpg)
ភោជនីយដ្ឋាន អ៊ុយ គុយទាវ សាខាទួលពង្រ ចាប់បើកដំណើរការជាផ្លូវការហើយកាលពីថ្ងៃទី ២៧ ខែមីនា ឆ្នាំ ២០២២ ដែលមានទីតាំងស្ថិតនៅក្នុងបរិវេណស្ថានីយ៍ប្រេងឥន្ធនៈកាល់តិច ផ្លូវបំបែកទួលពង្រ និងផ្លូវវេងស្រេង ។
ការបើកដំណើរការនេះគឺធ្វើឡើងបន្ទាប់ពីការចុះហត្ថលេខាក្នុងការទិញកម្មសិទ្ធបើកភោជនីយដ្ឋានអ៊ុយគុយទាវ តាំងពីខែមករា ឆ្នាំ ២០២១ រវាងនាយកប្រតិបត្តិក្រុមហ៊ុនអល មិនគ្រុប និងលោកស្រី ស៊ីម គង្គា។ ហើយនេះគឺជាសាខាថ្មីបំផុតរបស់អ៊ុយគុយទាវ ក្នុងឆ្នាំ ២០២២ នេះ ហើយត្រូវបានរៀបចំឡើងយ៉ាងយកចិត្ត ទុកដាក់ពីសហគ្រិនមេចុងភៅដ៏ល្បីរបស់កម្ពុជា គឺលោក លូ ម៉េង។
ភោជនីយដ្ឋាន អ៊ុយគុយទាវ មានកន្លែងអង្គុយចំនួន ៣៨ កៅអី និងមានការរចនាលម្អ នៃបង្អួចឈើចាស់ៗ ផ្នែកខាងក្នុង ធ្វើឱ្យយើងនឹកស្រម៉ៃដល់ផ្ទះចាស់ដែលយើងធ្លាប់រស់នៅ ហើយមានភាពកក់ក្ដៅជាមួយក្រុមគ្រួសារ។ អ៊ុយ គុយទាវ បម្រើជូននូវមុខម្ហូបបែបខ្មែរ ប្រកប ដោយគុណភាព តម្លៃសមរម្យ និងល្អឥតខ្ចោះសម្រាប់អាហារជាច្រើនជម្រើស រហ័សទាន់ចិត្ត សម្រាប់ការពិសាម្នាក់ឯង រហូត ដល់ជាក្រុម ឬលក្ខណះគ្រួសារ។
មុខម្ហូបប្រចាំ ហាង គឺគុយទាវភ្នំពេញ ដែលជាមុខម្ហូបតំណាងជាតិ និងពេញនិយមសម្រាប់អាហារពេលព្រឹក។ មុខម្ហូបផ្សេងទៀតរួមមាន គុយទាវស្មោងគោពិសេស នំបុ័ងប្រហិតខគោ និងបាយឆាកាពិ អមដោយបង្អែម ដ៏ពេញនិយមគឺ «ទឹកកកឈូស»។
គំនិតផ្តើមរបស់ អ៊ុយ គុយទាវ គឺបម្រើអាហារបែបដងវិថី ប៉ុន្តែមានគុណភាពខ្ពស់ និងមានភាពងាយស្រួលសម្រាប់អតិថិជន។ ភោជនីយដ្ឋាន អ៊ុយ គុយទាវ មិនត្រឹមតែមានមុខម្ហូបដ៏ឈ្ងុយឆ្ងាញ់ប៉ុណ្ណោះទេ ថែមទាំងមានការតុបតែងអំពូលភ្លើងធ្វើពីផ្តៅ ការតុបតែងជញ្ជាំងបង្អួចឈើ រូបផែនទីប្រទេសកម្ពុជា ដែលបង្ហាញពីផលិតផលពេញនិយមនៃខេត្តនីមួយៗ និងកៅអីសាឡុង រូបរាងចំណិតព្រះច័ន្ទ។
ភោជនីយដ្ឋាន អ៊ុយ គុយទាវ ទួលពង្រ បើកដំណើរការជារៀងរាល់ថ្ងៃចាប់ពីម៉ោង ៦ ព្រឹក រហូតដល់ ម៉ោង ៦ ល្ងាច។ ទទួលការពិសាក្នុងហាងផ្ទាល់ កម្ម៉ងខ្ចប់ និងការដឹកជញ្ជូនតាមរយៈដៃគូរសហការរបស់ខ្លួន៕
