គណៈគ្រប់គ្រងក្រុមហ៊ុន JTI ដឹកនាំដោយអគ្គនាយកក្រុមហ៊ុន លោក Roy Manalili បានអញ្ជើញមកបំពេញទស្សនកិច្ចនៅការិយាល័យកាសែតភ្នំពេញ-ប៉ុស្តិ៍កាលពីថ្ងៃព្រហស្បតិ៍សប្តាហ៍មុន ដើម្បីប្រគល់កន្ត្រកអនុស្សាវរីយ៍ ហើយថ្នាក់ដឹកនាំនៃក្រុមហ៊ុនទាំង ២ បានជូនពរគ្នាទៅវិញទៅមកសម្រាប់ពិធីបុណ្យចូលឆ្នាំថ្មីប្រពៃណីខ្មែរខាងមុខ។ លោក Manalili បានថ្លែងអំណរគុណដល់ចាងហ្វាង និងអគ្គនាយកកាសែតភ្នំពេញប៉ុស្តិ៍ លោក លី តៃសេង ចំពោះកិច្ចសហប្រតិបត្តិការរវាងក្រុមហ៊ុនទាំង ២ ហើយថ្លែងថា លោកនឹងរង់ចាំបន្តពង្រឹងទំនាក់ទំនងនេះឱ្យកាន់តែរឹងមាំ។ លោក លី តៃសេង ក៏បានថ្លែងអំណរគុណដល់គណៈគ្រប់គ្រងក្រុមហ៊ុន JTI ដែលបានអញ្ជើញមកបំពេញទស្សនកិច្ចនេះ និងបានមានប្រសាសន៍អំពីការប្តេជ្ញាចិត្តរបស់កាសែតភ្នំពេញប៉ុស្តិ៍ចំពោះវិជ្ជាជីវៈសារព័ត៌មាន៕ photo hean rangsey