ក្រុមហ៊ុន ខេមបូឌាន ហេងស៊ីន រៀលអ៊ីស្ទត កាលពីថ្ងៃទី ៣ ខែមេសា បានបើកសម្ពោធការិយាល័យថ្មីមានទីតាំងស្ថិតនៅទល់មុខផ្សារម៉ាក្រូ ដែលមានការចូលរួមពីថ្នាក់ដឹកនាំ បុគ្គលិក និងភ្ញៀវកិតិ្តយសជាច្រើនរូបទៀត។ ការបើកសម្ពោធការិយាល័យថ្មីនេះគឺដើម្បីឆ្លើយតបនឹងតម្រូវការលើសេវាកម្មអចលនទ្រព្យ ក៏ដូចជា ការងើបឡើងរបស់សេដ្ឋកិច្ច។ ក្រុមហ៊ុន ខេមបូឌាន ហេងស៊ីន រៀលអ៊ីស្ទេត គឺជាក្រុមហ៊ុនបម្រើការលើសេវាកម្ម អចលនទ្រព្យ ដែលផ្តោតសំខាន់ទៅលើការលក់គម្រោង ដោយ បច្ចុប្បន្នក្រុមហ៊ុនក៏ទទួលបានគម្រោងមួយចំនួនលក់ផ្តាច់មុខផងដែរ។ លោក លឹម រ៉ាវុធ អគ្គនាយកផ្នែកលក់ និងទីផ្សាររបស់ក្រុមហ៊ុន ខេមបូឌាន ហេងស៊ីន រៀលអ៊ីស្ទេត បានលើកឡើងថា បេសកកម្មចម្បងរបស់ក្រុមហ៊ុន គឺជួយពង្រឹងវិស័យអចលនទ្រព្យឱ្យរីកចម្រើន តាមរយៈការពង្រឹងគុណភាពរបស់ភ្នាក់ងារអចលនទ្រព្យឱ្យកាន់តែមានប្រសិទ្ធភាព និងប្រកបដោយវិជ្ជាជីវៈ៕