.jpg)
ក្រុមហ៊ុន Nippon Koei Co Ltd កាលពីថ្ងៃព្រហស្បតិ៍បានចុះអនុស្សរណៈយោគយល់ (MoU) ជាមួយសមាគមក្លិបទេសចរណ៍ខេត្តសៀមរាប ដើម្បីលើកកម្ពស់វិស័យទេសចរណ៍ប្រកបដោយនិរន្តរភាព និងភាពឆ្លាតវៃ ដោយប្រើដំណោះស្រាយ ICT។ ក្រៅពីការពង្រឹងភាពជាដៃគូសាធារណៈ និងឯកជន ដើម្បីប្រែក្លាយខេត្តសៀមរាបទៅជាទីក្រុងឆ្លាតវៃ អនុស្សរណៈយោគយល់នេះក៏នឹងផ្តល់អាទិភាពដល់ឌីជីថលភាវូបនីយកម្ម ដើម្បីលើកកម្ពស់សកម្មភាពទេសចរណ៍ឆ្លាតវៃផងដែរ។ ផ្អែកលើ MoU នេះក្លិបទេសចរណ៍ខេត្តសៀមរាបគឺជាតួអង្គសំខាន់ក្នុងការលើកកម្ពស់ទេសចរណ៍ឆ្លាតវៃ ខណៈដែលក្រុមហ៊ុន NK នឹងចូលរួមគាំទ្រសកម្មភាពដោយការអនុវត្តបច្ចេកវិទ្យាទំនើប និងចំណេះដឹងក្នុងវិស័យគ្រប់គ្រងអាជីវកម្ម។ ភាគីទាំង ២ គ្រោងបង្កើតប្រព័ន្ធអេកូអាជីវកម្មទេសចរណ៍ឆ្លាតវៃថ្មីមួយនៅក្នុងខេត្តសៀមរាប តាមរយៈឌីជីថលភាវូបនីយកម្ម និងកៀរគរអាជីវកម្មនានាបន្ថែមទៀតក្នុងសហគមន៍ដែលមិនបានអនុវត្តប្រព័ន្ធអេកូទេសចរណ៍បែបប្រពៃណី ដើម្បីឆ្ពោះទៅរកការសម្រេចបាននូវភាពរីកចម្រើនប្រកបដោយចីរភាពនៅក្នុងតំបន់។ ការកែលម្អបរិស្ថាននៅក្នុងគោលដៅទេសចរណ៍ និងការអភិវឌ្ឍធនធានមនុស្សក៏ជាផ្នែកមួយនៃកិច្ចសហប្រតិបត្តិការនេះដែរ៕ photoS SUPPLIED
