សាលា​អន្តរជាតិ Singapore (Cambodia) International Academy (SCIA) បាន​ចាប់​ដៃគូ ជាមួយ​ក្រុមហ៊ុន​ឯកជន​ចំនួន ​២ ដើម្បី​ផ្តល់​ការអប់រំ STEM ដែលមាន​គុណភាព​ខ្ពស់​សម្រាប់​សិស្សានុសិស្ស​របស់ខ្លួន​។ សាលា SCIA កាលពី​ថ្ងៃ​ពុធ​បាន​ចុះហត្ថលេខា​លើ​អនុស្សរណៈ​នៃ​ការយោគយល់​ជាមួយ​ក្រុមហ៊ុន Siemens Industry Software Pte Ltd និង​សាលា Steaming Cambodia នៅឯ​សាលា​របស់ខ្លួន​។ កិច្ចព្រមព្រៀង​នេះ​អនុញ្ញាត​ឱ្យ​សាលា SCIA ក្លាយជា​ដៃគូ​សិក្សា​ និង​ប្រើប្រាស់​បច្ចេកវិទ្យា​កម្មវិធី​ឧស្សាហកម្ម​ឌីជីថល Siemens ដើម្បី​ពង្រឹង​អ្នកមាន​ទេពកោសល្យ​ផ្នែក​ឌីជីថល បច្ចេកវិទ្យា និង​វិស្វកម្ម សម្រាប់​ឧស្សាហកម្ម 4.0 របស់​សិស្ស​នៅ​សាលា SCIA​។ ខណៈ Steaming Cambodia ជួយ​ពង្រឹងសមត្ថភាព​អ្នកមាន​ទេពកោសល្យ​ឌីជីថល និង​ក្លាយជា​អ្នក​ច្នៃប្រឌិត​ជំនាន់​ថ្មី​។ ឯកអគ្គរដ្ឋទូត​សិង្ហបុរី លោកស្រី Teo Lay Cheng ដែលមាន​វត្តមាន​នៅក្នុង​ពិធី​នោះបាន​មានប្រសាសន៍ថា​៖ «​ពិភពលោក​កំពុង​ឈានចូល​យុគសម័យ​នៃ​ភាពមិនប្រាកដប្រជា​យ៉ាងខ្លាំង គឺ​ច្រើនជាង​មុនពេល​ជំងឺ​រាតត្បាត​នៃ​ជំងឺ​កូវីដ​ ១៩ កើតឡើង​។ ដើម្បី​ឆ្លើយតប​នឹង​បញ្ហា​ប្រឈម​ខាងមុខ ប្រព័ន្ធ​អប់រំ​ដែល​ត្រៀម​រួចរាល់​សម្រាប់​ពេលអនាគត​គឺមាន​សារៈសំខាន់​ខ្លាំងណាស់​។ ការចុះ MoU ដែល​នាំមក​នូវ​ភាពរឹងមាំ​សម្រាប់​កម្មវិធីសិក្សា​របស់​សាលា SCIA និង​បច្ចេកវិទ្យា​ទំនើប​របស់ Siemens គឺជា​ជំហាន​មួយ​នៅក្នុង​ទិសដៅ​ដ៏ត្រឹមត្រូវ​»៕ photos SUPPLIED