សមាគមសណ្ឋាគារកម្ពុជា (CHA) សហការជាមួយក្រុមហ៊ុន Linx International បានរៀបចំកម្មវិធីជួបជុំបណ្តាញ « Stay Informed, Stay Connected» នៅសណ្ឋាគារ Himawari ក្នុងរាជធានីភ្នំពេញ កាលពីថ្ងៃពុធសប្តាហ៍មុន។ បន្ទាប់ពីការធ្វើបទបង្ហាញពីលោក Edward Tiu មកពីសាលា Singapore (Cambodia) International Academy (SCIA) និងក្រុមហ៊ុន Linx International, លោក ឌិន សុមេធារិទ្ធ ប្រធាន CHA បានថ្លែងសុន្ទរកថាបើក។ ភ្ញៀវកិត្តិយសបានស្តាប់យ៉ាងយកចិត្តទុកដាក់ នៅពេលដែល ឯកឧត្តម គឹម សេរីរ័ដ្ឋ អគ្គលេខាធិការរង គ.ជ.វ.ទ និងជាប្រធាននាយកដ្ឋានគ្រប់គ្រងសេវាកម្មស្នាក់នៅ ទេសចរណ៍ និងម្ហូបអាហារ, អ្នកស្រី Pauline Tan មកពី Sing-Specialists Medical Center និងលោក Dilip Khumar នាយកប្រតិបត្តិ Mediapark បានធ្វើកិច្ចពិភាក្សា។ ភ្ញៀវកិត្តិយសជាង ៧០ នាក់មកពីវិស័យបដិសណ្ឋារកិច្ចនៅកម្ពុជា និងអាជីវកម្មដែលពាក់ព័ន្ធឧស្សាហកម្មនេះបានរីករាយ និងកម្សាន្តជាមួយតន្ត្រី និងការញុំាអាហារដ៏ឈ្ងុយឆ្ងាញ់ ខណៈអ្នកចូលរួមក៏បានពិភាក្សាអំពីអនាគតនៃវិស័យនេះ ស្វែងយល់ពីនិន្នាការថ្មី និងចែករំលែកព័ត៌មាន។ នៅក្នុងបណ្តាញដំបូងគេនៅកម្ពុជាក្នុងវិសាលភាពបែបនេះ ក្រុមហ៊ុន Smart Axiata បានបង្ហាញកម្មវិធីទេសចរណ៍ថ្មីរបស់ខ្លួន ខណៈស្តង់មកពីដៃគូផ្សេងទៀតបានដាក់បង្ហាញផលិតផលដែលមានគុណភាពរបស់ពួកគេ៕ photos Joe Curtin and rickus de klerk